Liverpool chuan tun season-a an game hmasa berah Norwich tumin, he inkhelah an goalkeeper Alisson Becker chu a inhliama, Brazilian keeper hi kar eng emaw zat a chawlh a ngai dawn.

Liverpool hian Simon Mignolet an hralh hnuah a thlawnin West Ham keeper hlui Adrian an laluta, Adrian hian Norwich lakah Alisson hi a thlak.

Liverpool hian tunah hian Adrian bak senior team lama goalkeeper hman tlak an nei lova, goalkeeper thar free-agent ni mek lakluh tur an dap meka, an duh an hmuh tawh niin a lang bawk.

Liverpool manager Jurgen Klopp chuan Alisson inhliam chungchang sawiin, “A inhliam dan hi chu kar eng emaw zat a chawlh ngei a ngai dawn a, a lo kir hun tur hi ka sawi fak thei lo. A lo kir hun tur sawi thei lo mah ila Super Cup-a Chelsea kan khelh hun hi chu a ni dawn lo chiang a ni. A rei lo berah kar hnih emaw kan enthla anga, chutah chuan a lo lang mai ang,"  a ti.

Liverpool hian Alisson a inhliam chhunga Adrian-a thachhangdawl tu atan free agent ni mek Andy Lonergan chu hun rei lo te chhung atan lakluh an tum mek a, Middlesborough keeper hlui hi tunkara UEFA Super Cup an khelh hunah Liverpool bench-ah a awm ngei a rinawm.

Klopp chuan, “Hun rei lote chhung atan kan insiamrem a ngai dawn a, rokhawlhna dang a awm a nih loh chuan Andy Lonergan kan lalut ang,” a ti bawk.