Tuna unified WBA, WBO, IBO leh IBF world heavyweight champion ni mek Mexican-American boxer Andy Ruiz chuan Anthony Joshua nen an rematch zawhah hnehna a chang leh a nih chuan WBC heavyweight champion lai Deontay Wilder hmachhawn a tum thu a sawi.

Kar liamta mai khan Ruiz chuan British boxer Anthony Joshua a hneha,  AJ-a IBF, WBO leh WBA world heavyweight title kawl laite chu a chhuhsak vek.

Anthony Joshua leh Andy Ruiz-te chu kumin kum tawpah an inhnek lehnghal dawn a, AJ hian Ruiz nena an inhnek dawna an contract ziaha rematch theihna a neih chu a hmang tangkai dawn.

Ruiz hi vawi khat bak a la tlawm lova, AJ lakah rin loh zawk ni mahse Bristish boxer hi a vawi khat nan Ruiz hian a tlawm.

Ruiz chu Wilder hmachhawn a duh leh duh loh chungchang zawh a ni a, Ruiz chuan, “Wilder hmachhawn te chu duh tehreng mai, chu chu ka tinzawn pawh a ni a mahse Joshua ka hmachhawn leh phawt a ngai,” tiin TMZ Sports a hrilh.

Ruiz hi sawi tawh angin vawi khat bak a la tlawm lova, Wilder hian hneh loh a la nei ngai lo bawk. AJ nena an inhnek leh hunah Ruiz hi a chak leh a nih chuan nakkum lam chuan Wilder vs Ruiz kan hmuh ngei a rinawm a ni.