05 Jun 2019 10:00

bakteaJr.

Mizo tlangval

​AJ vs Ruiz rematch a awm dawn

Anthony Joshua leh Andy Ruiz-te chu kumin kum tawpah an inhnek lehnghal dawn a, AJ hian an contract ziaha rematch theihna a neih chu a hmang tangkai dawn.

British heavyweight boxer AJ-a promotor Eddie Hearn chuan AJ-a’n rematch theihna a neih chu a hman tangkai tur thu hi a puanga, kumin November thla emaw December thlaah a nih tur thu Hearn hian a sawi bawk.

Kar liamta mai khan AJ leh Ruiz-te hi an inhneka, beisei loh zawk Ruiz chuan AJ hi round sarihnaah knock-out in, a vawi khat nan AJ hi a tlawma, Ruiz hian AJ-a IBF, WBO leh WBA world heavyweight title kawl laite chu a chhuhsak vek.

A tirah AJ hian Ruiz hi hnek tur a ni lova, Jarrell Miller nena inhnek tur ni mahse Miller hian drug test a paltlang zawh loh avangin Ruiz hi AJ hmachhawn turin a rawn lut a, British heavyweight boxer hneh thei loh tluka ngaih AJ chu Ruiz hian a rawn hneh.

Ruiz leh AJ –te rematch-na tur hmun hi la chiang lo mahse, UK-ah a nih ngei tawh a rinawm a, an inhnek zawh chiah hi Madison Square Garden-ah niin USA-a awm a ni.

Ruiz hi Mexican- American niin a nu leh pa hi Mexican ve ve an ni a, mahse USA-a piang niin citizenship a nei kawp. Ruiz hi Mexican thlah zingah heavyweight boxer world champion ni thei hmasa ber a ni.