02 May 2020 11:55

bakteaJr.

Mizo tlangval

AJ vs Fury chungchang an buaipui tan

Khawvela heavyweight champion lai pahnih Anthony Joshua leh Tyson Fury te chu inhnek tir ngei tum an ni a, tunah hian an fight chungchang buaipui tan ni tawhin, a hmun tur thlengin inbiakna kalpui mek a ni der tawh.

British boxer pahnih AJ leh Fury te hian world heavyweight title awm zawng zawng te an kawl meka; AJ jian IBF, WBA leh WBO world heavyweight title te kawlin, Fury hian WBC world heavyweight title a kawl mek bawk.

Boxer pahnih te hian an mandatory challenger te an hneh ve ve a, an inhmachhawn a nih chuan a chak zawk zawk hi unified world heavyweight champion an ni dawna, British boxer hlui Lennox Lewis hnuah heavyweight division-ah hian unified world champion an la awm leh lo.

Post dang sawilan tawh thin angin AJ leh Fury te hian mandatory challenger hmachhawn tur an nei ve ve phawta, heta an chak ve ve chauh hian an inhmachhawn thei dawn.

He fight ropui tak tur hi thleng duh tam tak an awma, AJ vs Andy Ruiz 2 lo thleng tawh tu Saudi Arabia lam pawhin an thleng duh anga sawi niin, Cardiff lam leh US lamah pawh thleng duh thahnem tak an awm nia sawi a ni.