Kumina neih tur heavweight championship bout Anthony Joshua leh Andy Ruiz-te rematch nghahhlelh em em chu a neihna hmun tur a chian loh reng hnuah, tihchian a ni ta.

AJ leh Ruiz te hi June thla ni khat khan USA-ah an inhneka, AJ hi rin loh taka tlawmin, a heavyweight title kawl lai pathum chu Ruiz-a lakah a hloh vek.

AJ hian a contract-a rematch theihna a neih chu hmang tangkai nghalin Ruiz nen hian inhnek leh tur an ni a, USA-ah emaw Cardiff khawpuia inhnek mai tura anga ngaih ni mahse heavyweight boxer pahnihte hi Asia khawmual lamah an inhnek zawk dawn.

AJ leh Ruiz rematch hi kumin kum tawp December ni 7-ah Saudi Arabia khawpui Riyadh-ah neih a ni dawn a, an fight hmasaa chak lo zawk AJ hi favourite a la ni tho dawn a, Ruiz hi underdog a ni ve thung ang.

Sum tamna boxing a ni bawka, he fight hian ngaihven a hlawh bawk nen, sum pawh a tlem lo leh pek hle dawn a, he fight hlut zawng hi pound maktaduai 70 vel lai a ni dawn tih Telegraph chuan a tarlang a ni.