26 Sep 2019 02:11

bakteaJr.

Mizo tlangval

​AJ leh Ruiz inhnekna tur sawn a ni thut thei

Heavyweight boxer pahnih Anthony Joshua leh Andy Ruiz-te inhnek tur nghahhlelhawm tak chu kumin kum tawp hian Saudi Arabia-a neih tura ruahman ni mahse, a hmun hi sawn a ni thut thei.

AJ leh Ruiz-te hi kumin December ni 7 hian Saudi Arabia-a rematch nei tura ruahman a ni a, mahse Saudi Arabia hi a him tawk lova ngaih a nih chuan a hmun sawn a ni thei tih promoter Eddie Hearn chuan a sawi.

Tun thla ni 14 khan Saudi Arabia-a oil process-na hmun lian tak mai chu beih a ni a, drone 18 lai leh cruise missile pasarih hmangin he hmun hi beih a ni. Hemi a nih avang hian AJ leh Ruiz-te inhnek tur pawh hi a nghawng na hle a, ngaihtuah that mek a niin a lang.

He hmun; drone leh cruise missile hmanga beih hi AJ leh Ruiz-te inhnekna tur hmun atanga mel 118-a hla ni a, thuhchiang eng mah hriat tur la awm lo mahse he heavyweight boxing bout ngaihven hlawh tak hi Saudi Arabia lovah sawn a ni thut thei a, a nih loh pawhin Saudi Arabia-ah tho mahse hmun dangah nghah a ni thut thei bawk.

Saudi lal chhungkua leh Saudi Arabia General Sport Authority-te chuan eng mah hlauh tur a awm loh thu leh buaina a thlen loh tur thu sawi mahse ngaih a ngam chiah tawh lo niin a langa, an sawn loh pawhin engpawh thleng thei laka inven nan hmun dang ruahman lawk a ni dawn a ang chho viau a ni.