British heavyweight boxer Anthony Joshua leh Jarrell Miller-te chu inhnek tura tih ni mahse Miller a thisen zunzamah damdawi phalloh hnuhma hmuh a nih avangin New York State Athletic Commission chuan Miller chu Anthony Joshua hnek phalna license an pe duh lo.

Miller hi AJ hnek theihna license pek a nih loh avang hian an inhnek thei dawn lo tihna a la ni lova, Miller hian a thisen a test nawn leh thei dawn.

AJ hi tunah hian IBF, WBA leh WBO heavyweight champion a ni mek a, boxer pahnihte hi kumin June ni khatah Madison Sqaure Garden-a inhnek tur an ni.

He fight hi a thlen ngei theih nan hmalak zel a ni a, mi thenkhat chuan AJ hian midang a hmachhawn mai a ngai dawn niin sawi mahse thuchiang engmah a la awm lo.

Miller hian damdawi phalloh engmah a hman loh thu a lo sawi tawh a, test nawn leh a ni anga a fihlim chuan AJ hi a hmachhawn theih mai a rinawm ve bawk.

AJ hi hneh loh la nei lo a ni a, Miller pawh hi hneh loh la nei lo ni ve bawk mahse AJ angin boxer tha leh rothap tak tak a la paltlang ve lo a ni.