British heavyweight boxer Anthony Joshua chuan WBC heavyweight champion lai Deontay Wilder chu kumthar April thla-ah London-a a hmachhawn duh thu a sawi chhuak.

AJ hian tunah IBF, WBO, WBA heavyweight title-te a kawl mek a, WBC chiah a la bak a, AJ leh Wilder-te an intum a nih chuan a chak zawk zawk chu unified world heavyweight champion an ni dawn.

Wilder hian tun thla tir mai khan British heavyweight boxer Tyson Fury a hmachhawn a, boxer pahnihte hi an inhnehtawk. Wilder leh Fury-te hi intum leh tur anga sawi ni mahse, AJ a lo lan takah chuan eng nge thleng zel dawn tih a hriat ta lo hle.

Fury chuan Wilder nena an inhnek zawhin AJ chu cho mahse AJ hian Fury chu champion lai a nih loh avangin a lamah rilru a pek loh thu leh Wilder nena inhnek a duh zawk thu a sawi. Kum 29 mi AJ chuan, “Tyson Fury-a lam ka ngaihtuah lo, a chhan chu champion a ni lo. April thla ni 13-ah Deontay Wilder nen hian London-a inhnek ka duh,” tiin ESPN a hrilh.

Sawi zelin AJ chuan, “Wilder ka hnek duh thu hi ka sawi chiang viauin ka hria a, mahse ani chuan Tyson Fury hnek a chak zawka, Fury hian world title pakhat mah a kawl lo. A ni leh a hmun tur ka tifel lawk vek tawh a, mi zawng zawng hmaah an phahnih hian hmachhawn ka chak thu ka ti lang tawha, a bikin champion lai Deontay Wilder ka hmachhawn chak hle,” a ti bawk a ni.