​AJ-a hmachhawn tur Andy Ruiz a nih hmel

30th April 2019, 09:04PM

Kumin June thla hian British heavyweight boxing champion Anthony Joshua leh American boxer Jarrell Miller-te chu inhnek tura tih ni mahse Miller chuan drug test a paltlang zawh loh avangin Miller hi a inhnuhdawh a ngai a, AJ-a hmachhawn tur hi la chiang thei lo mahse Andy Ruiz a ni ngei dawnin a lang.

AJ leh Ruiz-te inhnek tur hi official-a puan la ni lo mahse Fox Sports palai Mike Coppinger chuan a twitter account-ah boxer pahnihte hi an inrem tawh niin a ziaka, a rintlak thawkhat tura ngaih a ni.

American boxer kum 29 mi Ruiz hi a boxing career-ah vawi 33 a inhnek tawh a, vawi 32 chak tawhin a hneh loh awm chhun hi AJ-a’n a lo hneh tawh Joseph Parker a ni.

Miller-a’n drug test a paltlang zawh loh tirh khan AJ-a promoter Eddie Hearn chuan Ruiz hi a lo fak tawh a, AJ nen fight hmuhnawm tak an chhawpchhuah a rin thu pawh a lo sawi tawh.

AJ hmachhawn tur hian Michael Hunter-a hming pawh lam rik ni mahse Hunter hian AJ a tum duh a nih chuan a la nghah deuh rih a ngaih hmel.

Boxing ngaina tute chuan AJ, Tyson Fury leh Deontay Wilder-te ho inhnek hi hmu chak em em mahse heng boxer pathum te hi an streaming partner a hran theuh a nih avangin awlsam taka an fight tur ruahman mai theih a ni dawn lo.

AJ-a’n kum 2017-a a lo knock-out tawh Wladimir Klitchko hming pawh AJ hmachhawn tur hian a ri ring hman hle a, Ukranian pachal hian boxing khelh chawlhsan tawh mahse lo kir leh a hreh lo niin a tawngkamah a lang zeuh zeuh tawh bawk a ni.

Copyright © inkhel.com 2024. All rights reserved.