Aizawl FC chuan I-League hnehna an chan hmasa ber January ni 22, 2016 khan an tawng a, season tir game hnih an chak loh hnuah Rajiv Gandhi Stadium-ah Aizawl FC chuan DSK Shivajians chu si hnih faiin an hneh a ni.
Aizawl FC tan hian Alfred-a leh Yuta ten goal an khung a, heng goal hnihte hi first half-a lut ve ve a ni. He match-ah hian Aizawl FC captain leh playmaker David Rinmuana chu Hero of the Match-a thlan a ni.
Aizawl FC 2-0 DSK Shivajians
Alfred 18', Yuta 45'
Aizawl FC XI : T Mawia, Ricky, Chullova, Kima, Ruatthara, Yuta, Albert, David, Alfred, Valpuia, Brandon
DSK Shivajians XI: Subrata (GK), Rohan, Justin, Ralte, Bosco, Milan, Surchandra, Amiri, Douhou, Indrajit, Perrick (C)
First half-ah Aizawl FC-in goal hnih an khung a, goal hmasa zawk hi Alfred-a khung a ni a, Brandon-a leh Valpuia te tha tak in an inthlawp a, Valpuia chuan Alfred-a tan ball tha tak box chhungah a pe, Alfred-a chuan bottom corner-ah a pet lut, si khat faiin Aizawl FC chuan hma an hruai.
First half tawp dawn tak takah Birthday Boy Yuta chuan Aizawl FC goal hnihna a khung a, David Rinmuana corner pet kal zel chu Japanese midfielder Yuta chuan hnai set sawt atangin chiang takin a pet goal. First half-ah Aizawl FC an chungnung hle a, Brandon-a chuan goal khung theihna chance tha zet vawi hnih a nei a.
35 mins-ah Alfred-a chuan box veilam sir atangin Brandon-a tan a cross, Brandon-a chuan a shot nghal a, DSK goalkeeper Subrata Paul chuan tha zetin a lo save. Tin, first half tawp dawn tepah Box pawn atangin Brandon-a bawk chuan a shot leh a, mahse Subrata Paul chuan mawi zetin a lo save leh a ni.
Second half-ah a dul hle a, DSK Shivajians lamin hneh loh khelhin an khel niin a lang, Aizawl FC coach Manuel-a chuan a player pawimawh pahnih leh goal khungtu Yuta leh Alfred-te chu inhliam hlauhthawn vangin a la chhuak a, second half-ah goal hlauhawm a awm lova, hu tawp dawn tak takah Mual veilam sir atanga Ricky-a cross chu Albert-a chuan a tauh a, Valpuia chuan a ti goal teuh hle, hei bak chu hlauhawm em em a awm lo. Si hnih faiin Aizawl FC chuan hnehna an chang a, I-League ah a vawi khat nan point an hlawh chhuak ta a ni.
Inkhel pumpui thirin Aizawl FC an chungnung zawk a, ball possession pawh 59 % lai an nei thei. First half an khel tha hle a, DSK Shivajians goalkeeper hi Subrata Paul ni kher lo phei selang chuan Aizawl FC hian goal 4 lai an khung ngei dawn niin a lang.
Ticket man chuan sawisel hlawh viau mahse Rajiv Gandhi Stadium-ah a khat tanin mipui an pungkhawm leh a, attandance 6527 nia tarlan a ni bwk. Hnehna an chan avangin Aizawl FC chuan thawhtannia an match Sporting Clube de Goa an tum tumah ticket man 25% in an discount tih thu an tarlang nghal a ni.
Photographer : PC Lala