08 May 2019 08:50

inkhel

​Aizawl FC U-15 te Rest Of India Zone-ah an Champion

India rama football inelna sangber Hero Junior League 2019 Kolkata-ah khelh khelh zawh a ni a,  Aizawl FC Academy U-15 Team te chuan Maximus Prime Sports chu 13-0 a hnehin Rest of India Zone Champion an ni.

Aizawl FC Academy tan Sawmtluanga chuan goal 7 a khung a, Tepuia chuan goal 4 khung bawkin John-a leh Jerome-a chuan goal 1 ve ve an khung bawk. 

Aizawl FC Under 15 te hi Final Round an luta, Final Round khel zui turin Kolkata-ah hian an cham zui zel ang.

AFC Director Felpuia Royte chuan "tun season ah hian MPL ah Aizawl FC Senior Team kan Champion a, AFC Junior ten ADFA 1st Division League an champion hnuah tunhnai lawka zawh tak MFA Cup-ah khan kan champion leh a, tuna Hero Junior League-a AFC Under-15 Team te Rest of India Zone a kan champion leh hi a ropui kan ti a. Season tharah hian I-League Champion ngei tumin tan kan la dawn a ni" a ti.

(adsbygoogle = window.adsbygoogle || []).push({});