09 Aug 2019 06:54

inkhel

Aizawl FC leh Electric Veng FC-in Semifinal an lut

NEXA I-Day Celebration Football Tournament 2019 MPL Club pariat te inelna chu August ni 9, Zirtawpni khan group A league match khelh zawh a ni a, Aizawl FC leh Electric Veng FC chuan semifinal an lut ta a ni.

August ni 10, Inrinni Group B League match hnuhnung ber khelh a ni ang a, dar 12:00-ah Ramhlun North FC leh FC Venghnuai an in hmachhawn ang a, dar 2:30-ah Chhinga Veng FC leh Chawnpui FC an in hmachhawn ang

Aizawl FC, Electric Veng FC, Chanmari FC leh Mizoram Police FC te hian point 4 theuh an nei a,  Goal deference-ah Aizawl FC an sang ber a, Electric Veng FC pahnihna an ni a, group A atangin semifinal an lut ve ve ta a ni.

12:00 PM Electric Veng FC 1-2 Mizoram Police FC

(Jacob Lalrawngbawla 20') (F Lalrinpuia 80', Lalrinzualzuala Khingte 83')

MFA Super Cup Champion Mizoram Police FC chuan 2-1 a Electric Veng FC hnehin point 3 an hlawh chhuak. Mizoram Police FC hian match thum atangin point 4 an nei a, Electric Veng FC hian match thum atangin point 4 an nei ve bawk. Goal deference-ah Mizoram Police FC aiin an sang zawk a,  Electric Veng FC chuan semifinal an lut ta zawk a ni.

First half-ah goal khat alut a, second half-ah goal hnih a luh belh bawk. First half-ah Electric Veng FC tan Jacob Lalrawngbawla chuan freekick atangin an hmahruaina khung mahse, second half huntawp dawn minute 10 ala awmin Mizoram Police FC tan F Lalrinpuia (Valpuia) chuan an siphurh sutna goal a thun a, minute 30 aral leh hmain Lalrinzualzuala Khingte chuan an chakna goal a khung ta a ni. 

02:30 PM Chanmari FC 3-1 Aizawl FC

(Lalnunzama 20', Abel Lalruatfela 24', Lalmuankima Hauhnar 29') (Joe Zoherliana 10')

Inkhel hnuhnung zawk Chanmari FC chuan 3-1 a Aizawl FC hnehin point 3 an hlawh chhuak. Chanmari FC hian match thum atangin point 4 an nei a, hnehna chang mahse goal deference-ah an Aizawl FC leh Electric Veng FC te aia an hniam zawk avangin semifinal an lut thei ta lo a ni.

Goal lut te hi first half-a lut vek an ni a, first half tan atanga minute 10-ah Aizawl FC tan Joe Zoherliana chuan anhmahruaina akhung a,  minute 10 aral leh hmain Chanmari FC tan Lalnunzama chuan an siphurh a rul zui nghal a, Abel Lalruatfela leh Lalmuankima Hauhnar chuan goal khat ve ve khung an khung leh a, Chanmari FC chuan 3-1 in hnehna an chang ta a ni.

August ni 10, Inrinni Group B Fixtures

12:00 PM Ramhlun North FC Vs FC Venghnuai

02:15 PM Chhinga Veng FC Vs Chawnpui FC