Mc Dowell's No 1 Soda Mizoram Premier League (MPL) Season 7 round 4 September ni 26, Nilaini zan match hnuhnung ber I League club Aizawl FC leh Champion lai Chhinga Veng FC inkhelah goal lut awm lo in an inhneh tawk a, point 1 ve ve an hlawh chhuak. He inkhelah hian Aizawl FC goalkeeper Gurpreet Singh chu Man of the match-ah thlan a ni.

Aizawl FC hian Electric Veng FC an hneh loh hnuah Chanmari FC an draw a, Mizoram Police FC hnehin Chhinga Veng FC an draw leh a khelh tawhah point 5 an nei tawh. Chhinga Veng FC hian Chawnpui FC, Bethlehem Vengthlang FC leh Ramhlun North FC hnehin Aizawl FC an draw a, khelh tawhah point 10 an nei tawh a ni.

07:00 PM Aizawl FC 0-0 Chhinga Veng FC

MoM: Gurpreet Singh, Aizawl FC

Inkhel tan a ni a, team pahnih te an inhneh tawk hle a, goal hlauhawm hmuh tur a tam lo. Chhinga Veng FC chuan goal thunna hun tha nei hmasa zawkin Lalromawia freekick tha zet leh box chhung a tang a goal shot tha zet chu Aizawl FC keeper Gurpreet Singh chuan a dan sak a, Lalmuansanga goal shot tha zet pawh Aizawl FC keeper Gurpreet Singh chuan a dan sak bawk. Aizawl FC pawhin goal thunna hun tha nei ve bawkin Lalrinfela corner pet tha zet chu box chhunga awm Khawpuimawia chuan goal zawnah a tauh lo.

Second half-ah pawh goal hlauhawm hmuh tur a tam lo a,  Aizawl FC chuan goal thunna hun tha nei hmasa zawkin Isak Vanlalruatfela ball pek tha zet chu Liberian midfielder Alfred Kemah Jaryan chuan goal-ah a chantir thei lo. Chhinga Veng FC pawhin goal thunna hun tha nei ve bawkin Rammawia, Rinchhana leh Romawia ten an hun tha neih an hmang tangkai thei bik lo. 

(adsbygoogle = window.adsbygoogle || []).push({});