05 Nov 2019 10:33

inkhel

Aizawl FC-in Ramhlun North FC an sawp

Mizoram Premier League (MPL) Season 8 khelh mekah November ni 5, Thawhlehni zan round 10 match hnihna I League Club Aizawl FC leh Ramhlun North FC inkhelah Aizawl FC chuan 6-0 in Ramhlun North FC an sawp a, hmahruaitu annih chhunzawm zel. He inkhelah hian Aizawl FC midfielder Lalhmangaihkima chu Man of the match-ah thlan a ni.

Team pahnihte hi round 7-ah intawngtawhin Aizawl FC hian 3-1 in anhneh a, an intawn vawihnihnaah pawh Aizawl FC bawk chungnung zawkah an tang. Aizawl FC hian point 24 neitawhin hmahruaitu an nih chhunzawm a, Ramhlun North FC hian point 7 neiin pasarihna an ni mek bawk.

07:00 PM Aizawl FC 6-0 Ramhlun North FC

(Joe Zoherliana 12', Isak Vanlalruatfela 35', Alfred Keimah Jaryan 40', 76', Lalhmangaihkima 52', F Lalremsanga 84')

MoM: Lalhmangiahkima, Aizawl FC

First half-ah Aizawl FC chuan Inkhel thunun nghalin goal thum lai an khung a, inkhel tan atanga minute 12-ah mual dinglam sir atanga midfielder Lalhmangaihkima ball pek tha zet chu box chhunga awm defender Joe Zoherliana chuan tauh lutin anhmahruaina a khung.

Aizawl FC chuan goal thun belhna hun nei zui mahse, Rochharzela'n box chhung chiah atanga a pet chu Ramhlun North keeper Eddie-a chuan adan sak. Aizawl FC chuan nawr chhunzawmin minute 35-ah an goal hnihna an khung. He goal hi mual veilam sir atanga Rochharzela ball pek tha zet chu midfielder Isak Vanlalruatfela thun a ni. Aizawl FC chuan 2-0 a hmahruaiin chawlhlawk an hmang dawn emaw tih hnu huntawp dawn minute 5 ala awmin Lalhmangaihkima corner pet thazet chu state pawn player Alfred Kemah Jaryan chuan hlap lutin an goal thumna a thun leh ta a ni.

Second half-ah Aizawl FC bawk chungnung zawkah tangin goal thum an thun belh a, minute 52-ah Man of the match atana thlan Lalhmangaihkima chuan an goal lina a kung zui leh ta a ni. Aizawl FC chuan goal thun belhna hun tha vawi thum lai nei zui mahse, Lalremsanga, Rochharzela leh Lalhmangaihkima ten an hun tha neih an hmangtangkai thei lo.

Aizawl FC chuan nawr chhunzawmin minute 8 chhungin goal hnih an khung zui leh a, mual veilam sir atangin Alfred Keimah Jaryan chuan goal mawi bik a khung hnuah Isak Vanlalruatfela ball pek chu Lalremsanga chuan goal-ah chantirin an goal rukna akhung zui leh a Aizawl FC chuan 6-0 in hnena an chang zui ta a ni. November ni 8, Zirtawphni tlai dar 4:00-ah Ramhlun North FC hian FC Venghnuai an hmachhawn ang a, zan dar 7:00-ah Aizawl FC hian Mizoram Police FC an hmachhawn ang.

(adsbygoogle = window.adsbygoogle || []).push({});