11 Feb 2020 10:57

inkhel

Aizawl FC-in mikhual Trau an hneh

Hero I League 2019-2020 khelh mekah February ni 11, Thawhlehni zan khan Aizawl FC chuan 2-0 in an mikhual Trau an hneh. Goal lut te hi second half-a lut ve ve an ni a, Aizawl FC tan bench Abdoulaua Kanoute khung an ni. Aizawl FC hian match 11 khel tawhin point 14 annei tawh a, table-ah parukna an ni ta a ni. March ni 21, 2020-ah Neroca FC an mikhual leh ang.

07:00 PM Aizawl FC 2-0 TRAU
(Abdoulaua Kanoute 75', 87')

Aizawl FC coach Standly Rosario chuan state pawn player pali ten bul tanin; mizo player pasarihin bul an tan ve bawk. Inkhel tan a ni a, team pahnih te an innawr tawn zak zak hnuah TRAU FC chuan goal hlauhawm nei hmasa zawkin forward Olariche chuan Aizawl FC keeper T Mawia tan hna hautak erawh a a thlen lo.

Aizawl FC pawhin goal hlauhawm neiin box chhung chiah atanga forward William Lalnunfela shot tha zet chu Trau FC keeper Mithun Samanta chuan a dan sak. First half huntawp dawnah Trau chuan counter attack-in annawr a, goal an khung teuh hle. Box-ah Defender Patrick tauh tha zet chu Aizawl FC keeper T Mawia chuan a dang hman a, goal lut awmlo in hun chanve an hmang zo ta a ni.

Second half-ah Aizawl FC insiam thain nawr nghal mahse goal erawh an khung mai thei rih lo a, midfielder Alfred chuan ball tha avawr luh chu William Lalnunfela chuan goal sirah chiah a pet a, Argentina midfielder Matias Veron khel a hmuhnawm a, midfield-ah ball an thunun hneh bawk. Minute75-ah Aizawl FC chuan goal hmahruai an khung. He goal bench atanga lut Abdoulaua Kanoute thun a ni a,  defender K Lalthlahlova (K Patea) thawhrah a ni.

Aizawl FC an phur sawt annawr chhunzawm nghal huntawp dawn minute 3 ala awmin Alfred free kick tha zet chu box chhunga awm Abdoulaua Kanoute bawk chuan an goal hnihna a khung leh bawk. Half way line bul atangin Alfred chuan goal kham a petper, goal se zawng 3-0 a chak thei an ni. Hun atawp zui a,  Aizawl FC chuan 2-0 a hnehna changin point 3 hlu tak an hlawh chhuak ta a ni.

(adsbygoogle = window.adsbygoogle || []).push({});