November ni 10, Inrinni tlai Rajiv Gandhi Stadium, Mualpuiah Aizawl FC chuan I League Champion lai Minerva Punjab FC an mikhul a, Minerva Punjab FC chuan 2-1 a hnehna changin point thum an hlawh chhuak. Aizawl FC hian November ni 16, Zirtawpni chawhnu dar 2:00-ah Chennai City FC Rajiv Gandhi Stadium mualpuiaah an hmachhawn leh ang.
Minerva Punjab FC tan Lancine Toure chuan goal hnih a khung a, Aizawl FC tan dodoz chuan goal khat a khung ve bawk. Minerva Punjab FC tan a goal hnih khungtu defender Lancine Toure chu Hero of the match-ah thlan a ni.
Aizawl FC 1-2 Minerva Punjab FC
(DoDoz 83') (Lancine Toure 9', 59')
Aizawl FC XI: Govin Singh, Bektur Talgat Uulu, Lalkhawpuimawia, DoDoz, Kareem Omolaja, David Lalrinmuana, Alfred Kemah Jaryan, Gurpreet Singh, Kromah, Hmingthanmawia, Vanlalduatsanga.
Minerva Minerva Punjab FC XI: Bhaskar Roy, Philip Emeka Njoku, Lancine Toure, Bala Alhassan Dahir, Akashdeep Singh, Souvik Das, Donatus Joseph Edafe, Arashpreet Singh, William Opoku Asiedu, Amandeep Singh, Moinuddin.
Aizawl FC hian I League an match hmasa berah Shillong Lajong FC anhneh loh hnuah Mohun Bagan FC an inhneh tawk a, Neroca FC nen inhneh tawk leh in Minerva Punjab FC an hneh lo a, point 2 an nei mek a ni.
Inkhel tan a ni a, Minerva Punjab FC chuan nawr zawk mahse Aizawl FC chuan goal thunna hun nei hmasa zawkin box chhung a tang a Khawpuimawia shot tha zet chu Minerva Punjab FC defender Arashpreet Singh chuan a dan sak a, forward Dodoz shot tha zet chu Minerva Punjab FC keeper Bhaskar Roy chuan a dan sak bawk.
Minerva Punjab FC chuan minute 9-ah an hun tha neih hmang tangkaiin forward William Opoku Asiedu corner pet tha zet chu box chhunga awm defender Lancine Toure chuan goal-ah chantirin an hmahruaina a khung.
Minerva Punjab FC chuan nawr chhunzawmin box chhung a tang a Moinuddin leh Amandeep Singh shot tha zet chu a goal dawn nia a lan laiin Aizawl FC keeper Gurpreet Singh chuan a dan sak. First half huntawp dawnah Aizawl FC pawhin an siphurh sutna hun tha neiin box chhung chiah a tang a Bektur Talgat Uulu shot tha zet chu defender Arashpreet Singh chuan a dang hman a, goal luh belh lo in Minerva Punjab FC chuan 1-0 a hmahruaiin chawlhlawk an hmang zui ta a ni.
Second half-ah Minerva Punjab FC chuan inkhel thunun zawkin minute 59-ah anhun tha neih an hmang tangkai leh a, William Opoku Asiedu corner pet tha zet chu box chhunga awm Lancine Toure bawk chuan mawi tak a tauh lutin an goal hnihna a khung zui leh ta a ni.
Aizawl FC chuan an siphurh sut ngei tumin coach Gift Raikhan chuan Paul Ramfangzaua, Lalrinfela leh Lalremsanga te luh tirin an goal nawr na sawt mahse, goal erawh an khung mai thei lo a, forward Kromah chuan goal khungna hun tha a neih a hmang tangkai thei lo zui bawk.
Huntawp dawn minute 7 ala awmin Minerva Punjab FC chuan defender Akashdeep Singh hand ball avangin penalty an chawi a, Aizawl FC tan Dodoz chu rawn pen chhuakin an goal khatna khung mahse, an siphurh sut turin hunin a daih tawh lo. Minerva Punjab FC chuan 2-1 in hnehna an chang ta a ni.
(adsbygoogle = window.adsbygoogle || []).push({});