Mizoram Premier League (MPL) Season 8 khelh mekah November ni 2, Inrinni tlai round 9 Chawnpu FC leh Aizawl FC inkhelah I League Club Aizawl FC chuan 5-0 in Chawnpui FC an sawp a, hmahruaitu an nih chhunzawm zel. He inkhelah hian Aizawl FC forward D Lalremsanga chu Man of the match-ah thlan a ni.

Team pahnihte hi round 5-ah in tawngtawhin Aizawl FC hian 2-0 in an hneh tawh a, an intawn vawihnihnaah pawh Aizawl FC bawk an Chungnung zawkah an tang. Aizawl FC hian point 21 neitawhin hmahruitu an nih chhunzawm a, Chawnpui FC hian point 4 neiin amawngphah an luah lum mek.

Goal lut te hi first half leh second half-a lut an ni a, first half-ah Aizawl FC tan F Lalremsanga leh Juuko Richard Kassaga chuan goal khat ve ve an khung a, second half-ah F Lalremsanga, Alfred Kemah Jaryan leh Joe Zoherliana chuan goal khat theuh an khung leh bawk.

04:00 PM Chawnpui FC 0-5 Aizawl FC

(F Lalremsanga 17', 82', Juuko Richard Kassaga 35', Alfred Kemah Jaryan 77', Joe Zoherliana 88')

MoM: F Lalremsanga, Aizawl FC

First half-ah Aizawl FC chungnung zawk mahse Chawnpui chuan goal hlauhawm an nei hmasa zawk a, box pawn chiah atanga forward Moody-a leh Lalnunpuia shot tha zet chu Aizawl FC keeper Arema chuan a dan sak. Aizawl FC chuan anhun tha neih hmang tangkaiin minute 17-ah midfielder Isak-a ball pek tha zet chu forward Lalremsanga chuan goal-ah chantirin an hmahruaina a khung. Remsanga bawk chuan goal thun belhna hun tha a neih chu a hmangtangkai thei lo.

Chawnpui pawhin ansiphurh sut ngei tumin annawr let a, Jonathan-a freekick tha zet chu Jerry-a chuan a pet goal dawn nia alan laiin goal sirah akal. Aizawl FC chuan first half huntawp dawn 10 ala awmin an goal hnihna an khung leh a, he goal hi state pawn player midfielder Alfred Keimah Jaryan ball pek chu defender Juuko Richard Kassaga chuan box-ah lalutin a chhuih goal a ni.

Second half-ah Aizawl FC bawk chungnung zawkah tangin an nawr nghal a, huntawp dawn minute 11 chhungin goal thum lai an khung belh. Alfred Kemah Jaryan chuan ball tha a hmuh chu chu box-ah lalutin an goal thumna a khung hnuah Remsanga bawk chuan an goal li na a khung zui leh a, Joe Zoherliana chuan an goal ngana akhung leh bawk. November ni 5, Thawhlehni zan dar 7:00-ah Aizawl FC hian Ramhlun North FC an hmachhawn ang a, November ber ni 6, Nilaini zan dar 7:00-ah Chawnpui FC hian Chhinga Veng FC hian an hmachhawn ang.

(adsbygoogle = window.adsbygoogle || []).push({});