Tun hnaia I league khel thei tura in pet tling II Div I League 2015 champion Aizawl FC chu chi hrang hrang in AIFF inspection team te chuan an rawn endik tan ta. Hemi chungchangah hian vawiin 25.5.2015 khan Indranil Das, Asst. Manager Club Licensing & league operation I league chuan Lammual endikin MFA leh Aizawl FC hotuten an tawiawm.

Lammual endikna ah hian AIFF in criteria a siam a tlin leh tlin loh en dik a ni a, chung zingah chuan Official Gallery, toilet, dressing room, Press conference room, rik rum thila mipui in sa sengna tur ang chi te a tel a ni.

Hemi chungchangah hian Aizawl FC BoG te pawn Dr. Jerry L. Pautu, Chhinga veng te inah meeting neiin Aizawl FC tih changtlun dan turte, Home match Aizawl ngei a khelh a nih theih dan turte relin vawiin zing (25.5.15) khan an meeting a. He meeting-ah hian I League II Div champion lawmnan Aizawl FC leh I league club lian 1 nen Lammuala charity match neih nise tih an rel a ni.

I League inspection team te hian naktuk ni 26.5.15 hian Aizawl FC office, training ground te tlawh in Aizawl FC hotute nen inkawmna hun an nei ang a, sorkar hotute an kawm bawk ang.

Aizawl FC President Pu Robert-a chuan, Sorkar, MFA leh Aizawl FC te pheikhairual taka kan tan ho theih chuan Aizawl ah ngei home match khelh a in beisei thu a sawi.

Source : Aizawl FC Facebook Group