I-Day Celebration Football Tournament 2019  MPL Club pariat te inelna chu August ni 7, Nilaini khan group A  inkhelh hmasa zawk Aizawl FC leh Electric Veng FC te goal awmlo in an inhneh tawk a,  inkhel hnuhnung Chanmari FC leh Mizoram Police FC te 2-2 in an inhnehtawk bawk

12:00 PM Aizawl FC 0-0 Electric Veng FC

Inkhel hmasa zawk group hmahruaitu nih inchuh Aizawl FC leh Electric Veng FC te second half minute 13 an khel hman awrh tihah ruah sur nasat avangin inkhel minute 20 vel zet chawlh lailawk anih hnuah khawchhe hnuaiah match khelh zawh hram a ni a, goal awmlo in an inhneh tawk zui ta a ni.

I League Club Aizawl FC hian an match hmasa berah 5-1 in MFA Super Cup Champion Mizoram Police FC hneh mahse, Electric Veng FC nen erawh goal awmlo in an inneh tawk a, point 1 ve ve an hlawh chhuak. Electric Veng FC hian MPL coach hlawhtling ber Lalsangzuala Hmar lalutin an match hmasa berah 3-1 in Chanmari FC an hneh hnuah hnehna chan leh ngei tum mahse, hnehna erawh an chang thei bik lo. 

Team pahnih te hian match hnih khel tawhin point 4 an nei ve ve a, goal difference-ah Aizawl FC an san zawk avangin group A hmahruaitu an ni rih a ni.

02:15 PM Chanmari FC 2-2 Mizoram Police FC
(Lalnunzama 77', 88') (Lalramtharmawia 39',(P), H.Lalbiakthanga 71')

Inkhel hnuhnung zawk Chanmari FC leh Mizoram Police FC te chak zawk awmlo in 2-2 in an inhneh tawk a, point 1 ve ve an hlawh chhuak.

Team pahnih te hian match hnih ve ve khel tawhin point 1 ve ve an nei tawh bawk. Mizoram Police FC leh Chanmari FC te hi MFA Super Cup final-ah inhmachhawn tawhin Mizoram Police FC hian Penalty Shootout-ah hnehna an chang hram a, an intawn vawihnihnaah erawh chak zawk an awmlo thung.

First half-ah team pahnih te an innawr tak zak zak a, goal erawh an thun mai thei lo. Mizoram Police FC chuan first half huntawp dawn minute 6 ala awmin penalty an hlawh chhhak hlauh a, he Penalty hi Lalramtharmawia chuan goal-ah chantirin an hmahruaina a khung a, Mizoram Police FC chuan 1-0 a hmahruaiin chawlhlawk an hmang zui ta a ni.

Second half minute 20 an khel hman a, chhumzing nasa avangin inkhel minute 20 lai chawlh lailawk a nih hnuah khelh chhunzawm a ni. Khawchhe hnuaiah team pahnih te hian goal an khung mai thei lo a, Mizoram Police FC chuan 1-0 inhnehna an chang mai dawn emaw tih hnu huntawp dawn minute 13 chhungin goal thum lai alut a, Mizoram Police FC tan H Lalbiakthanga chuan an goal hnihna a khung hnuah Chanmari FC tan forward Lalnunzama chuan goal hnih khungin an siphurh a sut zo vek a, 2-2 a inhneh tawkin khelmual an chhuah san ta a ni.

August ni 8, Ningani Fixtures
12:00 PM Chawnpui FC Vs Ramhlun North FC
02:15 PM Chhinga Veng FC Vs FC Venghnuai

August ni 9, Zirtawpni Fixtures
12:00 PM Electric Veng FC Vs Mizoram Police FC
02:15 PM Chanmari FC Vs Aizawl FC

August ni 10, Inrinni Fixtures
12:00 PM Ramhlun North FC Vs FC Venghnuai
02:15 PM Chhinga Veng FC Vs Chawnpui FC

(adsbygoogle = window.adsbygoogle || []).push({});