08 Nov 2019 10:36

inkhel

​Aizawl FC aiin Mizoram Police an lian zawk

Mizoram Premier League (MPL) Season 8 khelh mekah November ni 8, Zirtawpni ni zan round 11 match hnihna Mizoram Police FC leh I League Club Aizawl FC inkhelah Mizoram Police FC chuan 6-5 a Aizawl FC hnehin point thum an hlawhchuak.

Team pahnihte hi round 3-ah intawngtawhin Aizawl FC hian 1-0 in anhneh a, an intawn vawihnihnaah erawh Mizoram Police FC an chungnung zawk. Aizawl FC hian hnehna chang lo mahse, point 24 neiin hmahruaitu an nih chhunzawm a, Mizoram Police FC hian point 21 neiin pahnihna an nih chhunzawm bawk.

Team pahnihte inkhel a hmuhnawm hle a, goal sawmpakhat zet a lut. First half-ah Aizawl FC chuan 5-1 in hma an hruai a, second half-ah Mizoram Police FC chuan ansiphurh an sut vek hnuah Lalbiakthanga chuan an chakna goal a khung. He inkhelah hian Mizoram Police FC midfielder R Malsawmtluanga chu Man of the match-ah thlan a ni.

07:00 PM Mizoram Police FC 6-5 Aizawl FC

(Lalbiakhlua (Hlutea) 37', (P)  R Malsawmtluanga 52', Lalbiakhlua (Biaktea) 63', Lalnunsanga 64', 66', Lalbiakthanga Hmar 85' (P) (Alfred Keimah Jaryan 10', 45+2', Rochharzela 28', K Lalhmangaihkima 39', Rochharzela 45')

MoM: R Malsawmtluanga, Mizoram Police FC

First half-ah goal ruk zet a lut a, inkhel tan a ni a, Aizawl FC chuan nawr nghalin minute 10-ah Paul Ramfangzauva ball pek tha zet chu midfielder Alfred Kemah Jaryan chuan goal-ah chantirin an hmahruaina a khung. Aizawl FC chuan nawr chhunzawmin minute 28-ah box pawn chiah atangin midfielder Rochharzela chuan an goal hnihna akhung leh bawk.

Police pawhin an siphurh sut ngei tumin annawr let a, minute 37-ah Penalty anhlawhchuak hlauh. He penalty hi Lalbiakhlua (Hlutea) chuan goal-ah chantirin an siphurh a sut then. Minute 2 a kal hman awrh tihah Aizawl FC tan Hmangaikima chuan an goal thumna a khung zui leh nghal zat bawk.

First half huntawp dawn injury time-ah Police defender Rinzuala tihsual nangchinin midfielder Rochharzela chuan an goal lina a khung zui leh a, added time-ah Isak-a thawhrah sengin Alfred Keimah Jaryan chuan an goal ngana a khung zui leh a, hunchanve azawh meuh chuan Aizawl FC chuan 5-1 in hma an hruai.

Second half-ah Police insiam thaiin caoch Lalbiaksanga Colney chuan forward Lalnunsanga (Talea) luh tirin an goal bawh ana sawt a, minute 52-ah Man of the match atana thlan R Malsawmtluanga (Msa) chuan freekick atangin an goal hnihna arawn khung. Minute 3 chhungin goal thum an khung belh a, Lalbiakhlua (Biaktea) chuan goal khat akhung hnuah Lalnunsanga'n goal hnih akhung zui leh a, an siphurh an sut zo vek a, 5-5 in an inhnehtawk rih. 

Team pahnih te chak zawk nih tumin an innawr tawn leh a, huntawp dawn minute 5 ala awmin Police forward bench atanga lut Sangbera chuan penalty a hlawhchhuak hlauh. He penalty hi midfielder Lalbiakthanga chuan goal-ah a chantir a, Aizawl FC chuan he ansiphurh hi huntawp thlengin ansut thei tawh lo. Police chuan 6-5 in hnehna an chang ta a ni.

November ni 14, Ningani tlai dar 4:00-ah Mizoram Police FC hian Chhinga Veng FC an hmachhawn ang a, November ni 15, Zirtawpni zan dar 7:00-ah Aizawl FC hian FC Venghnuai an hmachhawn ang.

(adsbygoogle = window.adsbygoogle || []).push({});