All India Football Federation chuan December 20 hian Goa-ah AIFF Annual General Body Meeting a nei dawn a, India ram hmun hrang hrang atangin football hruaitute an kal khawm dawn a, Mizoram Football Association aiawhin Honorary Secretary Pu Lalnghinglova Hmar a kal.
AIFF hian season khat chhunga an hnathawhte an thlir kir ang a, season thara an programme an thlirho ang a, India rama football kaihhnawih thil pawimawh hrang hrangte an sawiho ang.
December 20 hi ISL Final niin Chennaiyan FC leh FC Goa te an inkhel dawn a, he inkhel hi a hmunah an en nghal ang.
AIFF Annual General Body Meeting hi New Delhi-a Football House-ah neih thin a ni a, ISL tan a nih hnuah final khelhna Mumbai-ah kum 2014 khan an nghat tawh a, kum 2015-ah ISL Final khelhna hmun tur bawk Goa-ah AIFF inkhawm pawimawh hi an nghat leh ta a ni.