​AIFF 'D' License Coaching Course

08th July 2015, 01:07AM

Mizoram Football Association chuan July thla tawp lam hian Aizawlah All India Football Federation 'D License Coaching Course a buatsaih dawn.

Seat 30 awmin District FA leh Mizoram Premier League Club-in an aiawh mi pakhat theuh an tir thei ang. Seat 14 dang la awm hi MFA Office, City Park, Aizawlah MFA Honorary secretary hnenah dilna thehluh theih a ni.

Diltu chu pawl 10 (HSLC) pass chin a ni tur a ni a, English emaw Hindi emaw a hrethiam tur a ni. Diltu chuan a hming, pian kum, address kimchang, contact number a tarlan bakah football-a a tawnhriat (experience) hrang hrangte a thehlut tel tur a ni a, passport size thlalak pakhat thehluh tel bawk tur a ni. July 9, 2015 (Ningani) thleng thehluh theih a ni.

AIFF 'D' License Coaching Course-a tel tura thlante hian course fee Rs 4,000 an pek a ngai ang.

Copyright © inkhel.com 2024. All rights reserved.