Sunderland manager Dick Advocaat chuan karleh lamah a hmalam hun tihchian a tum tih a sawi.

Black Cats hian Nilaini zan khan Emirates Stadium-ah Arsenal an draw a, point an hlawhchhuah vang hian season tharah Premier League an khel chhunzawm dawn tih a chiang nghal a mahse an manager dinhmun a chiang lo.

Dutch manager Advocaat hi a huntawp chiah chu lawmna vangin a mittui a tla a, heti hian Burnley leh QPR hnungzui turin Newcastle United leh Hull City chiah tla thei dinhmunah an ding tawh.

March thlaa Gus Poyet thlaktu kum 67 mi Advocaat chuan a hmalam hun an zawhna chhangin, "Engkim ka ngaihtuah phawt a ngai. A chhanna chu karlehah ka sawi ang." a ti.

Netherlands coach hlui hian team enkawl hna chawlhsan a tum hnai tawh tih a sawi a, mahse a hmalam hun ala siamfel thei lo.