ADVA Super League: Tuikual N leh ITI an chak

12th April 2021, 05:04PM

Aizawl District Volleyball Association (ADVA) buatsaih D-3 Business Enterprise Super League Volleyball Tournament khelh mekah April ni 12, 2021 (Thawhtan) tlai R Dengthuama Indoor Stadium-ah khelh chhunzawm a ni a, inkhel vawihnih awmin Tuikual North leh ITI GSA chuan an khingpui ve ve an hneh. April ni 13, 2021 (Thawhlehni) khelh chhunzawm tur a ni a, inkhel vawihnih a awm ang.

Inkhel hmasa zawk chawhnu dar 1:00-ah Dinthar Volleyball Club leh Martin Volleyball Club an inkhel ang a, dar 2:30-ah Armed Veng South leh Thuampui Volleyball Club an in khel leh ang. Inkhel hmasa zawk Tukual North chuan 25-19, 25-22, 16-25, 25-19 in Tachhip Volleyball Club an hneh. Tuikual North hian match li khel tawhin point 8 an nei mek a, table-ah pahnihna an hauh lailawk a ni. Tachhip Volleyball Club hian match li bawk khel tawhin point 5 an nei mek bawk.

Inkhel hnuhnungah ITI Veng GSA chuan 3-0 Hlimen Volleyball Club an hneh a, point 3 hlutak an hlawh chhuak ITI GSA hian match li khel tawhin point 3 an nei ve ta a ni. Hlimen Volleyball Club hian match li khel tawh bawkin point 3 an nei mek bawk.

April ni 12, 2021 (Thawhtanni) Results

1:00 PM Tukual North 3-1 Tachhip

(25-19, 25-22, 16-25, 25-19)

2:30 PM ITI Veng GSA 3-0 Hlimen Volleyball Club

(26-24, 25-15, 29-27)

April ni 13, 2021 (Thawhlehni) Fixtures

01:00 PM Dinthar Volleyball Club vs Martin Volleyball Club

02:30 PM Armed Veng South vs Thuampui Volleyball Club

Copyright © inkhel.com 2024. All rights reserved.