17 Oct 2020 10:07

inkhel

ADVA General Body Meeting neih a ni

Aizawl District Volleyball Association (ADVA) chuan October ni 16, 2020 zan khan General Body meeting an nei a, Tv Lalrova Sr, Vice President chuan meeting hi a kaihruai a, Nl Lalhruaitlungi Exe Committe member chuan tawngtaina a hman hnuah meeting tan a ni.

Pu Lalbiakkima Gen, Secretary chuan 2018-20 chhunga ADVA chet velna report tawi a pe a, Women season ending tournament final-ah Chawnpui VC te chuan Oficial te thuthlukna an pawmpui loh avanga player pathum hrem an nih thu te a sawi a, ADVA T shirt siam anih thu te, season Opening tournament-ah club zawng zawng an tel kim thu a sawi bakah Covid 19- avanga season ending tournament an neih theih loh tu a sawi tel bawk.

Pu Z. Zohmangaiha President chuan thusawiin, President a nih chhunga a thawhpui te suport naah lawm thu a sawi bakah player te leh a member puite duh loh zawng a lo tih chuan ngaihdam a dil bawk. 2019-2020 chhunga ADVA tournament hrang hrang neihah hlawhtling takin kan zo thei a, Veteran tournament neih kan tum mek laiin state games avanga an neih loh bakah season ending tournament pawh Covid-19 avanga an neih theih lih avanga pawi a tih thu a sawi tel bawk.

Kum 2020-2022 hruaitu atana thlan te hi kei aia tha vek an ni a, ADVA pawh chak zawkin akal ngei ang a, theihtawp chhuah a suport turin committee member te leh player te a ngen bawk.

Kum 2020-22 Hruaitu tur thlan a ni a, heng mite hi thlan chhuah an ni.

President :David Aizampuia

Sr, Vice President: Lalbiakkima

Vice President : F Zosangzuala

Gen.Secy: Lalhriatpuia

Jt.Secy: Isaac Hmar

Treasurer: Lalthanpuii

Fin.Secy- Lalmalsawmi(LPS)

(adsbygoogle = window.adsbygoogle || []).push({});