Mizoram Football Association (MFA) in District DFA thar pathum Saitual, Khawzawl leh Hnahthial te chu July ni 18, 2020 Inrinni atangin a function tir dawn tak avangin Aizawl District Football Association (ADFA) chuan a hnuaia awm thin Zone pahnih Saitual leh Phullen te chu Saitual District Football Association anlo nih dawn tak avangin, Aizawl District Football Association (ADFA) chuan Zone pahnihte thlahna leh lawmpuina hun July ni 10, 2020 Zirtawpni chawhnu dar 1:00 khan PWD Staff Lodge Saitualah an hmang.

He hun hi Pu Laldingliana Vice President ADFA in kaihruaiin Pu Lalhmingthanga Hony Secretary Phullen Zone FA in Pathian hnena inhlanna hun a hmang a, Pu C. Malsawma President Saitual Zone FA leh Pu Lalrempuia Ralte Phullen Zone FA ten thu ansawi a, Pu Vanlalrawna Sr. Vice President ADFA in Saitual Zone leh Phullen Zone te thlahna hun leh District FA thar anlo nih tak a vanga lawmpuina huna hmang bawk. 

Er. Lalzawmthanga Hony. Vice President ADFA chuan ADFA hmingin thlahna leh lawmpuina thuziak (Citation) hlanna leh District FA thar ADFA in danna Rs. 10000/-(Singkhat) a hlan.

Saitual Zone leh Phullen Zone te thalhna hunhi tunlai boruakin a zirloh avangin Aizawl District Football Association (ADFA) OB te, Saitual Zone leh Phullen Zone OB ten anhmang a ni.

Saitual Zone FA te hian Aizawl District Football Association te ngaihhruina thuziak anhlan bawk a ni.

(adsbygoogle = window.adsbygoogle || []).push({});