Aizawl District Football Association (ADFA) I Division League chu October ni 23, Nilaini khan League round khelh zawh a ni a, semifinal lut chiang tawh Aizawl FC Academy, Kanan FC, FC Bethlehem leh Dinthar FC te hian semifinal ankhingpui tur chinfel nghal a ni bawk.

League round hnuhnung ber inkhel vawihnih awmin inkhel hmasa zawk Semifinal lut chiang ve ve tawh Aizawl FC Academy leh Dinthar FC te chak zawk awmlo in 2-2 in an inhneh tawk a, point 1 ve ve an hlawh chhuak. 

Aizawl FC Academy hian point 13 nei chungin hmahruitu an ni a, point 12 nei ve ve Kanan FC leh FC Bethlehem te goal deference-ah Kanan FC an sang zawk avangin pahnihna an ni a FC Bethlehem pathumna an ni ta a ni. Dinthar FC hian Point 12 tho neiin palina an ni ta a ni. 

Inkhel hnuhnungah Bethlehem Vengthlang FC chuan 4-3 a 1st MAP Academy hnehin point 3 hlawhchuak chhuak mahse, semifinal erawh an lut thei chuanglo.

Semifinal hi October ni 25, Zirtawpniah RG Stadium Mualpui khelh tur a ni a, chawhma dar 11-ah pakhatna Aizawl FC Academy leh palina Dinthar FC an inhmachhawn ang a, chawhnu dar 1:30-ah pahnihna Kanan FC leh pathumna FC Bethlehem te an inhmachhawn ang.

October ni 13, Nilaini Round 7 Results
11: 00 PM Aizawl FC Academy 2-2 Dinthar FC
(Jehova Lalthansanga 1', Gratus Lalhnehliana 65') (Lalnunzira 59', 90')

01:30 PM Bethlehem Vengthlang FC 4-3 1st MAP Academy
(Lalthawmmawia 7', 26', 85', Dimmy Zorammawia 90') (Lalchhanchhuaha 20', 39', Micky Lalramchhuana 78')

October ni 25, Zirtawpni Semifinal RG Stadium Mualpui Fixtures
11:00 AM Aizawl FC Academy Vrs Dinthar FC
01:30 PM Kanan FC Vrs FC Bethlehem