ADFA I Division League hmahruaitu Aizawl FC Academy

18th September 2019, 10:09PM

Aizawl District Football Association (ADFA) I Division League chu September ni 17, Thawhlehni khan AR Lammualah round 2 khelh zawh a ni a, inkhel vawihnih awmin Aizawl FC Academy leh Kanan FC chuan an khingpui ve ve an hneh.

Khelh hnih atangin Aizawl FC Academy hian point 6 an nei tawh a, table hmahruaitu an ni a,  FC Bethlehem hian point 3 neiin palina an ni. Kanan FC hian point 4 neiin table-ah pahnihna an ni a, Sihphir Venghlun FC hian point 3 neiin pathumna an ni mek bawk.

September ni 24, Thawhlehniah round 3 khelh tur a ni a, chawhnu dar 12:00-ah Sihphir Venghlun FC leh Bethlehem Vengthlang FC an inkhel ang a, dar 2:00-ah FC Bethlehem leh 1st MAP Academy an in khel ang.

Inkhel hmasa zawk Aizawl FC Academy chuan 3-0 a FC Bethlehem hnehin point 3 hlu tak an hlawh chhuak. Aizawl FC Academy tan Laltlanhlua chuan goal hnih a khung a, KC Ramengmawia chuan goal khat a khung ve bawk.

Goal lut te hi second half-a lut vek an ni a, second half tan atanga minute 7-ah Aizawl FC Academy tan KC Ramengmawia chuan goal hmahruai a khung a, Laltlanhlua chuan huntawp dawn minute 12 ala awmin goal hnih a khung belh a, 3-0 in hnehna an chang zui ta a ni.

Inkhel hnuhnungah Kanan FC chuan 3-1 a Sihphir Venghlun FC hnehin point 3 an hlawh chhuak ve bawk. Kanan FC tan R.Swapna chuan goal hnih akhunga, Isak Malsawmkima chuan goal khat a khung bawk. Sihphir Venghlun FC tan PC Lalhriatpuia chuan goal khat a khung ve bawk.

First half-ah goal thum a lut a, inkhel tan atanga minute 30-ah Sihphir Venghlun FC tan PC Lalhriatpuia chuan goal hmahruai a khung chu huntawp minute 2 ala awmin Kanan FC tan R.Swapna chuan an siphurh a sut hnuah Malsawmkima chuan an hmahruaina a khung zui leh a, second half tan atanga minute 62-ah Kanan FC tan R.Swapna bawk chuan an chak nem nghehna goal khung leh in Kanan FC chuan 3-1 in hnehna an chang ta a ni.

September ni 18, Nilainiah round 2 Results

12:00 PM FC Bethlehem 0-3 Aizawl FC Academy

(KC Ramengmawia 52', Laltlanhlua 74', 86')

02:00 PM Sihphir Venghlun FC 1-3 Kanan FC

(PC Lalhriatpuia 30') (R.Swapna 43', 62', Isak Malsawmkima 45')

September ni 24, Thawhlehni Round 3 Fixtures

12:00 PM Sihphir Venghlun FC vs Bethlehem Vengthlang FC

02:00-ah FC Bethlehem vs 1st MAP Academy an in khel ang.

September ni 25, Nilaini Round 3 Fixtures

12:00 PM Dinthar FC vs Youngster United FC ITI

02:00 PM Kanan FC vs Aizawl FC Academy

(adsbygoogle = window.adsbygoogle || []).push({});
Copyright © inkhel.com 2024. All rights reserved.