Aizawl District Football Association (ADFA) I Division League Semifinal hnuhnung zawk chu November ni 13, Thawhlehni khan AR Lammualah khel a ni a, Kanan FC chuan 2-1 FC Venghnuai hnehin semifinal an lut ve leh ta a, ti hian semifinal lut a hriat kim ta a ni.
Semifinal hmasa zawkah Aizawl FC Academy 2 - 1 FC Bethlehem hnehin final an lut tawh a, Final hi November ni15, 2018 (Ningani) zan dar 6:30- ah khelh tur a ni.
08:00 AM FC Venghnuai 1-2 Kanan FC
(Lalhmangaiha 51') (Lalhmingchhuanga Hauhnar 52', 61')
Goal lut te hi second half-a lut an ni a, FC Venghnuai tan Lalhmangaiha chuan goal hnih a khung a, Kanan FC tan Lalhmingchhuanga chuan goal khat a khung bawk.
Second half tan a ni a, minute 10 chhungin goal thum a lut hman. FC Venghnuai tan midfielder Peter Lalrinhlua freekick tha zet Kanan FC keeper Lalruatmawia namper chu nangchinin Lalhmangaiha chuan chiang zetin an hmahruaina a khung.
Kanan FC chuan nawr let nghalin Lalhmingchhunga'n ball tha a hmuh chu box-ah la lutin mawi takin an siphurh a sut.
Kanan FC chuan inkhel thunun chhunzawmin box pawn a tang a Lalremruata shot tha zet FC Venghnuai keeper Lalhriatzuala namper chu Lalhmingchhuanga bawk chuan nangchinin an goal hnihna a khung leh a, goal dang luh belh tawh lo in Kanan FC chuan 2-1 inhnehna an chang ta a ni.
(adsbygoogle = window.adsbygoogle || []).push({});