10 Sep 2019 04:26

inkhel

ADFA I Division League: FC Bethlehem an chak nghal

Aizawl District Football Association (ADFA) I Division League chu September ni 10, Thawhlehni khan AR Lammualah khelh tan a ni a, inkhel hmasa zawk 1st MAP Academy leh Kanan FC te chak zawk awmlo in 2-2 in an inhneh tawkba, point 1 ve ve an hlawh chuak.

Inkhel hnuhnungah FC Bethlehem chuan sikhat faia Youngstar United FC, ITI hnehin point 3 an hlawh chhuak. Goal awmchhun hi second half-a lut a ni a, FC Bethlehem tan minute 69-ah Lalnunzira Sailo chuan a khung a ni.

September ni 11, Nilainiah khelh chhunzawm leh a ni ang a, chawhhnu dar 12:00-ah Dinthar FC leh Sihphir Venghlun te an inhmachhawn ang a, dar 02:00-ah Bethlehem Vengthlang FC leh Aizawl FC Academy an inhmachhawn ang.

I Division-ah team 8 1st MAP Academy, Kanan FC, Youngster United, FC Bethlehem, Dinthara FC, Sihphir Venghlun, Bethlehem Vengthlang FC leh Aizawl FC Academy te awmin vawi khat theuh an in khelh kual hnuah asang paliin semifinal an khel ang.

September ni 10, Thawhlehni Results

12:00 PM 1st MAP Academy 2-2 Kanan FC

(Zomuanpuia 4', Lalthakima 77') (Joseph Lalvenhima 58', 90+5'(P)

02:00 PM Youngstar United FC, ITI 0 - 1 FC Bethlehem

(Lalnunzira Sailo 69')

September ni 11, Nilaini Fixtures

12:00 PM Dinthar FC vs Sihphir Venghlun

02:00 PM Bethlehem Vengthlang FC vs Aizawl FC Academy