November ni 15, Ningani zan Aizawl District Football Association (ADFA) I Division League final Aizawl FC Academy leh Kanan FC ten an khel a, Aizawl FC Academy chuan 3-1 a Kanan FC hnehin an champion.
07:00 PM Aizawl FC Academy 3-1 Kanan FC
(H. Lalnunzira 13', PC. Lalhriatpuia 17', Augustine Lalrochhana 90+5') (Lalhmingchhuanga Hauhnar73')
Goal lut te hi first half leh second half-a lut an ni a, first half-ah Aizawl FC Academy tan H. Lalnunzira leh PC. Lalhriatpuia chuan goal khat ve ve an khung a, second half-ah Augustine Lalrochana chuan goal khat a khung bawk. Kanan FC tan Lalhmachhuana Hauhnar chuan goal khat a khung ve bawk.
First half-ah Aizawl FC Academy chuan minute 4 chhungin goal hnih an khung a, Lalhriatpuia shot tha zet Kanan FC keeper Lalruatmawia namper nangchinin H. Lalnunzira chuan an hmahruaina a khung hnuah mual dinglam sir a tang a David Lalhlansanga ball vawrh luh tha zet chu box chhunga awm Lalhriatpuia chuan cool zetin an goal hnihna a khung.
Huntawp dawnah Aizawl FC Academy chuan penalty an hlawh chhuak a, David Lalhlansanga chuan petin Kannan keeper Lalruatmawia chuan a dan sak a, Aizawl FC Academy chuan 2-0 a hmahruaiin chawlhlawk an hmang.
Second half-ah Kanan FC chuan an hun tha neih hmang tangkaiin bench a tang a lut Lalmalsawma ball vawrh luh tha zet chu box chhunga awm Lalhmingchhuanga chuan mawitak a pet lutin an goal khatna a khung.
Kanan FC chuan an siphurh sut ngei tumin counter attack-in annawr chhunzawm a, mahse goal an thun thei lo. Huntawp dawn injury time-ah Aizawl FC Academy chuan an hun tha neih hmang tangkaiin box pawn chiah a tang a Lalfelkima shot tha zet Kanan keeper Lalruatmawia namper nangchinin Augustine Lalrochhana chuan an goal thumna a khung leh a, Aizawl FC Academy chuan 3-1 a hnehna changin an champion ta a ni.
Lawmmawn
Champion : Aizawl FC Academy, Rs 150,000/-Trophy & Certificate
Pahnihna : Kanan FC, Rs 80,000/- & Certificate
Pathumna : FC Venghnuai, Rs 60,000/-
Palina : FC Bethlehem, Rs 50,000/-
Pangana : Dinthar FC, Rs 40,000/-
Parukna : Chaltlang FC, Rs 30,000/-
Pasarihna : Ramthar FC,Durtlang Leitan - Rs 20,000/-
Fair Play : Kanan FC, Rs 10,000/-
Mimal Lawmman
Best Player : PC Lalhriatpuia, AFC Academy
Top Scorer : PC Lalhriatpuia 12 Goals, AFC Academy
Best Forward : David Lalhlansanga, AFC Academy
Best Midfielder : Vannunmawia, AFC Academy
Best Defender : Lalchungnunga, AFC Academy
Best Goalkeeper : Lalhriatpuia, AFC Academy
(adsbygoogle = window.adsbygoogle || []).push({});