07 Jun 2019 06:33

inkhel

ADFA General Body Meeting neih a ni

Aizawl District Football Association (ADFA) Annual General Body Meeting chu July ni 7, Zirtawpni khan Touristlodge Chaltlangah neih a ni a, ADFA hruaitu leh DFA hruaitu bakah sawm bikte an kal tha hle. Pu K.Lalrinliana Minister of State FCS&CA, LAD, Fisheries chu Khuallian a ni.

Khuallian Pu K.Lalrinliana chuan DFA Zone titha ber Saitual Zone te hnenah Rs 10000/- a hlan a, ADFA hruaitu leh DFA zone hruaitu te inpekna lawmawm a tih thu sawiin, "football-ah phei chuan nasa takin hmakan sawn a, Hruaitute hmalakna aropui hle a ni. Kan ram thalaite tan kawng hrang hrangin sports lamah hmalak ani a, sport Minister tha tak angaihna hria kan nei hi hmakan sawnpui ngei ang" a ti.

He hun hi Pu Laldingliana Vice.President, ADFA chuan a kaihruai a, Pu Robert MS Dawngliana President, Darlawn Zone FA chuan tawngtaina a hman zawh hnuah programe tan a ni. Pu Lalbiakhlua Hony. Secretary, ADFA kaihhruaina hnuaiah 2018-2019 chhunga hruaitu chatuan ram pan te sunna hun hman a ni a, DFA Zone hrang hrang hruaitu te inhmel hriat tirna neih zui a ni. 

Kum 2018-2019 chhunga ADFA hmalakna hrang hrang report pe in, Pu R Lalzirliana Home Minister Tuirini to Kanglui, Saitualah inhlawhna a siam sak te, Football Symposium Chanmari YMA Hall-a neih anih te, NECS Cup II &III Division Season Opening leh Seasion Ending Tournament neih a nih te, I Division League-ah Aizawl Academy champion an nih te, ADFA hnuai atanga FC Venghnuai leh Kanan FC ten MPL Qualifying an khel a, MPL an tlin te, Inter Village Football Tournament neih anih thu te a sawi lang a, 2018-2019 chhunga sum hmuh zawng zawng Rs 4,112,265 /- leh hmanral hi Rs 3,738, 24,4/- Kuta la awm Rs 374021/- a nih thu a sawi tel bawk.

Thingsulthliah Zone atangin chawimawina thuziak Pu Robert Romawia Royte Sport Minister, ADFA President ni bawk hnenah an hlan.

Pu Robert Romawia Royte President, ADFA chuan thusawiin" ADFA hruaitu leh DFA zone hruaitu te hmalakna a lawmawm hle a, ADFA leh NECS te Kum 3 thawhhona thuthlung kan ziak leh bawk a, football-ah hmasawnna nasa tak kan chang zel a, heng kan hlawhtlinna hi hruaitu te thawhrah ani a, a thlawn lo a ni tih alang a, ADFA hnuaiah Club 191-a awm a, heng zawng zawng enkawl hahthlak zia hretu vek kan ni a, football hmasawn nan a kan thawh hona hian rah tha a chhuah zel a ni. Sport Discipline hrang hrang hmasawnna beiseiin State Games neih tum a ni a, tan ila zel ang u" a ti.

Pu Robert Romawia Royte President, ADFA hruaina hnuaiah Rorel a ni.  

Thurel pawm te


1. ADFA atanga lut Zone Rules & Regulations hi Zone hrang hrangte hian a nihna angin kalpui rawh se tih leh Zone tinin Registration copy hi kum tin July thla ral hma ngeiin ADFA-ah thehlut thin rawh se tih chu pawm a ni.

2. Sakawrdai zone atanga lut ADFA Cup Champion hi stage sang zawk an khelh theih nan ADFA Executive-in kawng zawnpui ni se tiin pawm a ni.

3. Phullen Zone atanga lut 2019-2020 chhungin ADFA in zone tin hruaitu te tan match commissioner training buatsaih rawh se tih chu pawm a ni a, ADFA Cup 2020 hi Phullen zone-in an dil angin pawm a ni a, Phullen hian an thleng dawn a ni.

4. (1) Saitual Zone atanga lut Zone FA a Executive mi 10 nithin hi 15 ni rawh se tih chu MFA-ah thlen nise tih a ni.
(2) ADFA Cup Lawmman pawisa fai champion-in Rs 20,000/- ni se, Pahnihna in Rs10,000/- ni rawh se tih chu pawm a ni.

5. Thingsulthliah zone atanga lut ADFA hian zone Tournament senso phuhruk nan Rs 20,000/ pe thin rawh se tih chu sawiho ani a, sum dinhmun te enin tanpui thei dinhmuna ADFA a dinchuan tanpuina hi pethin se tiin pawm a ni.

(adsbygoogle = window.adsbygoogle || []).push({});