22 Sep 2015 06:34

PC Lala

inkhel correspondent and photographer

ADFA 2nd-3rd Division Finalist a chiang ta.

Aizawl Distric Football Association (ADFA) buatsaih 2nd-3rd division Football Tournament chu september 21, 2015 Thawhtanni khan Rajiv Gandhi Stadium Mualpuiah khelhzawh a ni a. Final hi september 23, 2015 Nilaini dar 11 ah khel tan tur a ni a. Chawhnu dar 1 ah Final Programe hman ani thung ang.  Khuallian atan Pu CT Zakhuma (Chairman AMC) a ni ang.

3rd division inkhelah Dinthar FC Jr.leh Sihphir Venghlun FC te chuan an khingpui ve ve hnehin Final an lut.  2nd division inkhelah Venghlui FC leh FC Dawrpui hian An khingpui ve ve hnehin, Final an lut ve bawk.

Inkhel hmasa ber 3rd division inkhelah Dinthar FC chuan an khingpui Bungkawn FC chu sikhat fai a hnehin Final an in hlangkai ta a ni. Goal lut awm chhun hi second half-ah Dinthar FC Jr, tan Malsawmtluanga Tochhawng hian 69 mins-a khung a ni. Dinthar FC Jr. hian quarter final-ah Zarkawt FC hi sithum faiin, anlo hneh tawh bawk.

Inkhel hnuhnung zawkah Siphir Venghlun FC hian sithum faiin, an khingpui Dawrpui Vengthar FC chu an hneh ve bawk. Inkhel tan atanga 9 mins-ah Lalramngaia chuan an mahni lamah ati goal a, PC Lalruatfela chuan agoal hnihna thun chhunzawm leh in 2-1 in Sihphir Venghlun FC hian First half-ah hma an hruai a, Second half hun tawp dawnah Sihphir Venghlun FC tan Samuel Lalchhandama chuan goal thun belh leh in, sithum fai in hnehna an chang ta a ni.

Sihphir Venghlun FC hian quarter final-ah 3-2 in Ramhlun North FC Jr, anlo hneh ve tawh bawk.

2nd division semi final inkhel hmasa zawkah Venghlui FC hian sikhat faiin Armed Veng South an hneh. Goal awm chhun hi Robert Lalhruaitluanga khung a ni.

Inkhel hnuhnung zawk 1st Bn MAP Academy leh BSFC Dawrpui inkhelin,  hun pangaiah ah 1-1 in an in hneh tawk. Goal lut hi first half-a lut ve ve a ni a. 1st Bn MAP Academy tan Lalenkawla chuan 15mins-ah goal ti lut hmasa mahse, BSFC Dawrpui tan Lalbuatsaiha chuan 32mis-ah an siphur arul nghal a, hun tawp thlengin goal luh belh a awm lo. Hun pek belhah goal lut awm lo in anla in hneh tawk leh a.  Penalty Shoot out-in chak zawk zawn a nih hnuah BSFC Dawrpui chuan 4-2 a hnehna changin final an in hlangkai ve ta a ni.

September 21, 2015 Thawhtanni III Div Semi Final Results:-

09:00 AM Bungkawn FC 0-1 Dinthar FC Jr. 

( Malsawmtluanga tochhawng 69',)

11:00 AM Dawrpui Vengthar FC 0-3 Sihphir Venghlun FC

(Lalramngaia OG 9', PC Lalruatfela 14', Samuel Lalchhandama 70')

2nd division Semi Final Results:-

01:00 PM FC Armed Veng South 0-1 Venghlui FC

(Robert Lalhruaitluanga 34',)

03:00 PM 1st Bn MAP Academy 1-1 BS FC, Dawrpui

Lalenkawla 15',( Lalbuatsaiha 32',)

Extra time :- 1st Bn MAP Academy 0-0 BSFC, Dawrpui

Penalty shoot out:- 4-2 BSFC, Dawrpui an chak

3rd division Final Fixtures:-

11:00AM Dinthar FC Jr. vs Sihphir Venghlun FC

2nd division Final Fixtures:-

01:00PM Venghlui FC vs FC Dawrpui