Aizawl Distric Fooball Association (ADFA) buatsaih 2nd-3rd division tournament final chu september 23, 2015 (Nilaini) khan khawchhe tak hnuaiah Rajiv Gandhi Stadium Mualpuiah khelhzawh a ni.
Final hi Chawhnu dar 01:00 ah Kick Off Programe hman a ni a, Pu CT Zakhuma (Chairman AMC) chu khuallian niin, infiam mi ruihtheih thil a fihlim leh insum thei thalai tamtak anla awm avang a lawmawm atih thu sawiin, ADFA hnenah tanpui na pawisa ahlan bawk.
Final 3rd division inkhelah Dinthar FC Jr. chuan sihnih faiin, an khingpui Sihphir Venghlun FC hnehin, an champion ta a ni. Dinthar FC Jr tan C Lalsanglian leh R Lalnunmawia ten goal an khung.
3rd division champion team Dinthar FC Jr hian Trophy leh Rs 15,000 /-an dawng a. Pahnihna Sihphir Venghlun FC hian Rs 7,000/- leh Trophy an dawng thung. Top Scorer-ah Lalsawmzela Zarkawt FC chu thlan niin, goal 5 akhung a, Trophy leh pawisa a dawng. Best Player-ah Lallawmkima Dinthar FC Jr chu thlan a ni a, Trophy leh pawisa dawng ve bawkin, Fair play lawmman hi Dawrpui Vengthar FC ten an dawng thung a ni.
3rd division Final Results:-
Dinthar FC Jr 2-0 Sihphir Venghlun FC
C Lalsangliana 16', R Lalnunmawia 65',
Final 2nd division inkhelah BSFC Dawrpui chuan 2-1 an khingpui Venghlui FC an hneh. Inkhel tan atanga minute 4 ah Lalbuatsaiha chuan BSFC Dawrpui tan goal hmahruai khungin, R Lalrintluanga chuan 7mins-ah goal hnih na a khung chhunzawm leh nghal a, first half-ah BSFC Dawrpui chuan 2-0 in hma an hruai a. second half-ah Venghlui FC tan 40 mins-ah Zothansanga chuan goal thun ve bawk mahse hun tawp thlengin goal dang an thun belh thei lo. BSFC chuan hnehna changin an champion ta a ni.
2nd division champion team BSFC Dawpui hian Ra 20,000/- leh Trophy an dawng. Pahnihna Venghlui FC hian Rs 10,000/- leh Trophy an dawng thung. Top Scorer-ah Lalruatpuia FC Bethlehem chu thlan niin, goal 4 akhung a, Trophy leh pawisa a dawng. Best player-ah hian B Lalhruaizela Venghlui FC chu thlan a ni a, Trophy leh pawisa a dawng ve bawk. Fair play lawmman hi 1st Bn MAP Academy chuan an dawng thung.
2nd division Final Results:-
BSFC Dawrpui 2-1 Venghlui FC
Lalbuatsaiha 4', R Lalrintluanga 7',
(Zothansanga 40',)