ADFA 1st Division League Final khel tur Chhinga Veng FC

14th December 2015, 10:12PM

Haier Aizawl District Football Association (ADFA) 1st Division League Round 14 chu December ni 14, 2015 (Thawhtanni) khan AR Lammualah zawh fel a ni a, Chhinga Veng FC chuan sihnih faiin an khingpui FC Kulikawn an hneh a, Final khel turin an in pettling ve ta a ni.

Aizawl FC Academy hian point 36 neiin, Table-ah hma an hruai a, Final khel tur a in pet kai hmasa ber an ni a, tunah hian Gangtok lamah an zin vangin Final erawh nakum lamah khelh a ni dawn ta a ni. Final khelh hun tur erawh hriat theih ala ni lo.  Electric Veng FC leh Upper Republic FC te hi seasion lehah kan hmuh tawh loh hmel bawk .

Vawiin inkhelah Chhinga Veng FC leh Ramhlun FC ten an khingpui ve ve an hneh.

Chhinga Veng FC 2-0 FC Kulikawn

(Benjamin Laltlingzova (OG)53', Lalsawmzela 69')

Inkhel hmasa zawk hi chhun dar 11:00 PM-ah tan a ni a, Chhinga Veng FC chuan sihnih faiin FC Kulikawn an hneh a, point 3 hlu tak an hlawh chhuak. Goal hi second half-ah a lut a ni a, minute 53-ah Laltlingzova chuan an mahni lamah a ti goal hlauh minute 69-ah Chhinga Veng FC goal hnihna atan Lalsawmzela chuan goal a thun leh bawk. Chhinga Veng FC hian point 27 neiin final an khel dawn ta a ni.

Inkhel hnuhnung zawkah Ramhlun North FC chuan 5-2 in Chawnpui FC hneh mahse Chhinga Veng FC in an khingpui an hneh ve bawk avangin, final khel turin, an in pet kai zo ta lo a ni.

Chawnpui FC 2-5 Ramhlun North FC

(Lalbiaknia 23', C Lalrinsanga 31')

( Jacob Lalhruaisanga 49', Lalchhuansanga (OG) 60', David Lalrinchhana 71', Lalruatfela 74', Lalremruata 81')


Chawnpui FC tan Lalbiaknia leh C Lalrinsanga ten goal khat ve ve khungin, Lalchhuansanga hian an mahni lamah a ti goal hlauh bawk, Ramhlun North FC tan Jacob Lalhruaisanga, David Lalrinchhana, Lalruatfela leh Lalremruata ren goal khat theuh an khung bawk.

(adsbygoogle = window.adsbygoogle || []).push({});

Copyright © inkhel.com 2024. All rights reserved.