ADBBA League & Screening zawh fel a ni

09th February 2020, 08:02PM

Aizawl District Basketball Association (ADBBA) League & Screening chu February ni 8, 2020 (Inrinni) zan khan Hawla Indoor Stadium, Republic Vengthlangah zawh fel a ni. Division 1-ah BC Bethlehem an champion a, Division II-ah Kanan BC an champion ve bawkin Division III-ah Chawlhhmun BC an champion ve bawk. Hmeichhia inelna huangah LB Associates Bungkawn an champion bawk.

Division II Champion

ADBBA hian Season 2019-2020 tournament hi Phase I leh Phase II-ah thenin, Phase I hi October thla tir atangin November chhung khan neih a ni a, January 2 Phase II hi January ni 2 atangin February ni 8, chhungi khan neih a ni.

Division I final-ah BC Bethlehem chuan 104-98 in Mission Veng Hotshots an hneh a, BC Bethlehem tan Lalpekhlua'n point 41 score-in a team a champion pui. Division II-ah Kanan BC chuan 96-88 a Khatla South Barons hnehin an champion a , Kanan BC tan Lalnunsanga'n point 29 lai a thawk chhuak. Division III-ah Chawlhhmun BC chuan Saron BC chu 106-50 a sawpin an champion. Chawlhhmun BC tan Lalhmingsanga chuan 29 points a hlawhchhuak. Women's Division final, game inhnehtawk takah LB Associates Bungkawn chuan 45-43 a Team Alpha hnehin an champion.

Division III Champion

Division I-ah Kanan BC leh Khatla South Barons an kai chho a, Mission Vengthlang Hollow leh Chris4 an relegate. Division III atangin Chawlhhmun BC, Saron BC, KK BC leh Dawrpui Vengthar te chu Division II an kai a, Leitans Titans, Ramhlun BC, Eagles leh BC zotlang te an relegate ve thung a ni. Mizoram Super League playoff chu Division I finalist ten an hmachhawn thei dawn a, MSL zawh lamah playoff neih tum a ni.

Hmeichhia Champion

(adsbygoogle = window.adsbygoogle || []).push({});

Copyright © inkhel.com 2024. All rights reserved.