August ni 19, Inrinni zan khan RS Traders ADBBA Division I Playoff final Hawla Indoor Stadium-ah khelh a ni a,  Nursery BC chuan 63 -58 a Vanguard hnehin an champion ta a ni. Nursery BC leh Vanguard te hi ADBBA hnuaia Division I-ah an lut ve ve a ni. He tournament-ah hian Playoff khelh chhunga 104 points zet score tuLalbiakmawia Pachuau Nursery BC chu Top Scorer-ah thlan ani a, C Lalruatfela chu Most Valuable Player-ah thlan a ni thung.

Nursery BC leh Vanguard inkhel hi a tir phat atangin a tang nghal hle a, a tawp thlengin inkhelh a hmunnawm hle a, skills tha lo zawk a ngaih Nursery BC hian Vanguard annawr zawk thung.  Vanguard te hi skills tha zawk a ngaih ni mahse Nursery BC hi basket an attack-ah an dang zo lo.

Vanguard te hi an team game-a rualkhai a, squad-a player 12 te zingah 10 zetin points an nei a, chutih rualin game hmasa lama che tha Reubena hian beisei a pha lo thung. Chungnunglura  third quarter-ah lutin che tha viau mahse, Nursery BC players in fit em em te dang zo turin an thawh hona a tha tawk lo a, hun pawimawhah turnover an ngaih an tur a tih theih awm e.

Hun tawp dawn hnaih minute 2  leh a chanve chauh a awm tawhah Vanguard player Malsawmkima leh Nursery BC player Albert Lalremruata te  chu fouled out tawh mahse, game hi a khauh loh phah lo. Mahse, Vanguard chuan hetih hun lai tak hian turnovers pawi tak tak neiin ball vawi enge maw zat an hlauh a hun a tawp meuh chuan Nursery BC chuan 63 -58 in hnehna an chang ta a ni.

(adsbygoogle = window.adsbygoogle || []).push({});