20 Jul 2019 07:03

inkhel

ADBBA Cup: Mipa Republic VR4, Hmeichhia Team Alpha an Champion

Aizawl District Basketball Association buatsaih ADDBA Cup Zalena Fanai Memorial Trophy chu July ni 19, Zirtawpni zan khan Chawnpui Sport Center-ah final khelh a ni a, Mipa inelnaah Republic VR4 an champion a, Hmeichhia inelnaah Team Alpha an Champion.

Mipa final inkhel Republic VR4 chuan 82-74 a MSVT Hollow BBSP hnehin an champion ta a ni. Most Valuable Player-ah 40pts hlawh chhuaktu Lalremruata, Republic VR4, chu thlan a ni.

Team pahnih te an intluk tawk hle a, Republic VR4 chuan inkhel bul tan tha zawk mahse second quarter a zawh meuh chuan MSVT Hollow BBSP chuan 24-10 in hmaanhruai. Third quarter-ah erawh Republic VR4 insiam tha in hmahruiatu thung. Quarter hnuhnung ber tan a ni a, MSVT Hollow BBSP chungnung zawkah tangin hnehna an chang tawh dawn emaw tih hnuah Republic VR4 chuan an tawnhriat neih hmangtangkaiin an lehthal ta zawk a, 82-74 in hnehna an chang ta a ni.

Hmeichhia final inkhelah Team Alpha chuan 44-34 a LB Associates Bungkawn hnehin an champion. Team Alpha hian inkhel bul tan tha zawkin hmahrui mahse second quarter-ah LB Associates Bungkawn chuan 10-7 in lehthal mahse, Third quarter leh quarter hnuhnung berah Team Alpha bawk chungnung zawkin hnehna an chang ta a ni.

Lawmman:

Mipa Champion Republic VR4 Rs 15,000/- Trophy.

Pahnihna  MSVT Hollow BBSP  Rs7,000/-Trophy.

Hmeichhia Champion Team Alpha Rs 8,000/- Trophy.

Pahnihna LB Associates Bungkawn Rs 5,000/-Trophy

July ni 19, Zirtawpni zan Final Results

Hmeichhia: 06:30 PM Team Alpha 44-34 LB Associates Bungkawn

1st: 12-10

2nd: 7-10

3rd: 13-4

4th: 12-10

Mipa 08:30 PM MSVT Hollow BBSP 74-82 Republic VR4

1st : 16 - 23

2nd: 24 - 10

3rd : 16- 24

4th : 18 - 25

(adsbygoogle = window.adsbygoogle || []).push({});