ADBBA Cup 2018 Zalena Fanai Memorial Trophy chu September ni 14, Zirtawp zan khan final khelh a ni a, Mipa final-ah Chawnpui BC chuan 85-78 a Republic VR4 hnehin an champion a, Hmeichhia Durtlang Mohicans chuan 49-37 a LB Associates Bungkawn hnehin an champion ve bawk.

Mipa final-ah Republic VR4 chuan bul tan tha zawkin hmahruaitu zawk an ni a, second quarter-ah pawh Republic VR4 bawk chungnung zawkin chawlh lawk a nih meuh chuan Republic VR4 39-35 a ni.

Third quarter tan a ni a, Republic VR4 bawk an chungnung zawk a, hnehna chang zawk tura rinkai ni mahse quarter hnuhnungberah Republic VR4 chuan turnover an ngaj an tuar a, free throw an lut thei lo bawk. Chawnpui BC an beidawng lo a, an thawh hona tha chu an chakna hnar a ni. Hun atawp meuh chuan Chawnpui BC chuan 85-78 in hnehna an chang ta zawk a, champion no mawi an chawi ta a ni.

Hmeichhia final inkhelah hian Durtlang Mohicans te Champion theih nan hian Puii leh Tebawihi an thawh hlawk hle. Point 14 ve ve an thawk chhuak a ni. LB Associates Bungkawn tan Ramengi chuan 12 points thawk chhuakin Krystal-i chuan 9 points thawk chhuak ve bawk mahse hnehna chan nan atawk zo ta lo a ni.

Mipa Champion Chawnpui BC hian Rs 10,000/- Trophy leh Certificate an dawng a, pahnihna Republic VR4 hian Rs 7,000/- leh Certificate an dawng ve bawk.

Hmeichhia Champion Durtlang Mohicans hian Rs 8,000/- Trophy leh Certificate an dawng a, pahnihna Republic VR4 hian Rs 5,000/- leh Certificate an dawng ve bawk.