November ni 3, Zirtawp zan khan khan Aizawl District Basketball Association (ADBA) hnuaia tournament hmasa ber ADBBA Cup 2017 final khelh a ni a, Hmeichhia Bungkawn BC chuan 37- 35 a Saron BC hnehin an champion. Mipa Zarkawt Serpents chuan 89 – 71 a Ramhlun SC hnehin a vawi khat nan nomawi an chawi ta a ni.
(adsbygoogle = window.adsbygoogle || []).push({});
Kum engemaw chhung chu Mizoramah hian hmeichhe tan competitive basketball huaihawt a ni tawh lova, kumin khan ADBBA a pian hnu ah Aizawl district chhunga hmeichhe club in din thar duh te tan affiliation hawn thar leh niin, Mizoram Basketball Association huaihawt Season Opening Tournament-ah hmeichhe inelnaah Saron BC an champion.
Kumin ADBBA Cup-ah hian hmeichhe inelna hawn leh niin, rin lawk theih ang deuh in club pariat tel zingah hian Saron BC chu finalist an ni leh ngei a, mahse, Bungkawn BC kai chho ve chuan kum khata Saron BC vawi hnih champion tur an chelh thung a, Zirtawp zana hmeichhe final-ah hian Saron BC chan a tha hmasa zawk a. 1st quarter chhung zawng hmahruaiin 2nd quarter-ah pawh hmahruai chhunzawm mahse, huntawp dawn minute 7 pawh awm tawh lo ahBungkawn BC chuan an leh thalin an in hnehna an chang ta a ni.
Mipa category-ah hian squad tha leh chhah player 12 tel phalna hnawh khat thap thap reng thei Zarkawt Serpents chuan awlsam takin final an thleng chho a, Mizoram Super League boruak tem puar tawh Serpents hian Division-I leh a hnuailamah club huphurh tur an hmu zo lova, hneh loh an nei lo.
Ramhlun SC hian kumina affiliation an tihfel hnuah sawi a hlawh hle a, season khat an daih ang em tih chu tualchhung basketball tui mi te zawhna nimahse, Ramhlun SC hian player tha in lungrual si lo ai chuan player tha tlem in lungrualin thil an ti thei tih an tilang chiang hle a, Mizoram Inter District inelnaa pakhatna lo hauh tu Bethlehem BC chu 79 – 66 zetin Semifinal-ah an hneh a, final match-ah hian Zarkawt Serpents hian a tir atangin hma anhruai nghal char char a, Ramhlun SC lamin three-points nen bei chiam in umpha lek lek thin mahse, Ramhlun SC defense chu awlsam taka thiah zel a ni a, Serpents dinhmun a derthawng hman meuh lo.
Fourth quarter tir lamah Ramhlun SC hian defense an kalpui thar a, nasa taka an nawr chuan awmzia a nei hret hret dawn emaw tih laiin, player ngah zawk leh boruak ngam zawk emaw tih theih na na na chu hun tlemte chauh awm tawhah ngam ngawt chi an ni lova, thinphu rang hman em em lovin hun tawp thleng Serpents hian hmahruaiin hnehna an chang ta a ni.
(adsbygoogle = window.adsbygoogle || []).push({});