13 Jan 2020 10:53

bakteaJr.

Mizo tlangval

​AC Milan leh Arsenal-in Boateng an inchuh

Bayern Munich defender Jerome Boateng chuan Bayern chhuahsan a duh a, Bayern pawh hian an lungawina tawka dawrtu an hmuh chuan an defender hi an hralh phal niin a lang.

German defender Boateng hi tun thlasik bazar inhawn tirh khan Arsenal nen sawizawm a ni nghala, tunah hian AC Milan hming a rawng lang ve leh ta a, Arsenal leh AC Milan-te hian kum 31 mi hi an inchuh mek niin a lang.

Sky Sports chuan tun thla tir lam khan Arsenal-in Boateng an ngaihven viau thu a lo tarlang tawh a, defender tha mamawh tak Arsenal hian tun thlasik bazar chhungin Boateng aia tha lakluh tur an hmuh loh mai a rinawm avangin Boateng hi lakluh an tum viau nia sawi a ni.

AC Milan hian Sevilla atangin defender Simon Kjaer chu an lalut fel tep nia sawi a ni a, Kjaer lalut dawn mahse Milan hian centre-back dang an la duh belh avangin Boateng hi an rawn ngaihven ve ta niin a lang.

Bayern hian Boateng hi pound maktaduai 13 velin hralh an pha nia tarlan ni mahse an defender Lucas Hernandez chu a inhliam meka, Hernandez hi beisei aia a dam har dawn tak avangin Bayern hian tun thlasik bazar chhungin Boateng hi chelh an tum mai lovang tih erawh a sawi theih loh a ni.