09 Dec 2019 11:58

inkhel

Abu Dhabi-ah India aiawhin Mizo Muaythai players 4

December ni 17-22, 2019 chhungin Abu Dhabi-ah Olympic Cuncil of Asia hnuaia Amateur Muaythai Association of Asia (FAMA) buatsaih IFMA Asian Muaythai Championship neih a ni dawn a, India aiawh tur zingah Mizo player pali an tel dawn.

India aiawhin player 18 an kal dawn a, chung zingah chuan Mizo players pali Joseph Vanlalhruaia, Hunthar (-48kg), Lalthasanga Lelhchhun, Venghlui (-86kg), Ngurlianzuala Sailo, 3rd Bn MAP (-91 kg) bakaj Junior player Eliza Zoramchhana, Kulikawn (-34kg) te an tel dawn a ni.

Joseph Vanlalhruaia hi November ni 19-24, 2019 chhunga Senior National Muaythai Championship, Mangaluru, Karnataka-a neihah Best fighter-a thlan a ni a, a khelhna -48kg huangah hneh taka rorelin gold medal a la a. Lalthasanga leh Ngurlianzuala te pawhin gold medal an la bawk a, Eliza Zoramchhana hi Junior national championship hnuhnung bera gold medalist a ni ve bawk.

Mizo fighter te hian thawhlehni-ah Aizawl chhuahsanin Delhi an pan ang a, India an zawm nghal ang. Delhi atangin India team-in Dec.16-ah Abu Dhabi an pan ang a, Mizo player te hi December ni 23, 2019-ah Aizawl an lo thlen leh theih beisei a ni.

Muaythai Association of Mizoram chuan tha taka an khelh theihna duhsakna a hlan a, sum leh paia tanpuitu Mizoram State Sports Council chungah leh mimal sponsor tute chungah lawmthu an sawi bawk.