Scottish club Aberdeen chuan season khat chhung atan loan-in Liverpool goalkeeper Danny Ward an lalut.

Kum 22 mi Ward hian season liamta khan loan thovin Morecambe a zawm a, tunkar tir khan Liverpool-in hun rei tak daih tur contract thar an ziahpui.

Wales Under-21 goalkeeper hian kum 14 mi niin kum 2007 khan Wrexham a zawm a, kum 2011-2012 season khan loan-in Tamworth-ah a khel a kum 2012 January thla khan Liverpool hian £100,000 vel sengin an lalut.

Aberdeen manager Derek McInnes chuan Ward an hawh thei hi lawmawm a tih thu a sawi a, Liverpool leh an manager Brendan Rodgers chungah hawh an phalsak vangin lawmthu a sawi bawk.