12 Nov 2018 01:04

inkhel

​A vawikhat nan straight sets-in Federer a chak lo

ATP Finals London-a khelhah tennis player piang tawh zawng zawnga ropui ber leh tha bera mi tam takin an ngaih Roger Federer a inlana, Kei Nishikori nen inhmachhawnin, a vawikhat nan Federer hi straight sets-in a chak lo.

ATP Finals-ah hian Federer hi a match hmasa berah a chak loh nghala, Nishikori lakah 7-6 (7-4), 6-3 in a tlawm. ATP Finals-ah Federer hi a vawi 16 nan telin, vawi ruk a champion tawha, kum 2011 hnuah a la champion leh lo thung.

Nishikori hian Shanghai-ah leh Paris-ah Federer hi tun hnai lawk khan a lo hneh lo tawh a, London-ah erawh Japanese player hi Swiss player ropui lakah hian a chungnung zawk. First set-ah an inhnehtawk hle a, tie break khelh a ni. Second set-ah erawh Nishikori a chungnung zawk.

Kar hmasa lawk khan Federer hian world no.1 thar Novak Djokovic chu Paris Masters-ah a hneh lova, tunah a match hmasa berah chak lovin Dominic Thiem a hmachhawn leh ang.

ATP Finals-ah hian Federer hnehtu Nishikori hi vawi li a inlanna a ni ve thunga, kum 2014 leh kum 2016-ahte semi final a lo thleng tawh, Nishikori hian Federer a hneh hnu hian Kevin Anderson a hmachhawn leh ang.

Federer v Nishikori: Match Stats

Federer Match Stats Nishikori
4 Aces 2
4 Double Faults 4
78% 1st serve win percentage 78%
54% 2nd serve win percentage 63%
1/2 Break points won 2/2
19 Total winners 6
34 Unforced errors 22