Tottenham chuan kum 23 mi West Brom striker Berahino chu lei tumin a vawi hnih nan an rim leh a, mahse West Brom hian a vawi hnih nan Tottenham hi an hnawl leh ta a ni.
Tottenham hian Berahino manah £22million kengin West Brom an dawr leh a, hei hi West Brom chuan an hnawl tih chiang takin an puang leh ta a ni. West Brom chairman Jeremy Peace chuan an ngaihdan an la sawh sawn loh thu sawi nawn lehin,
"West Brom chuan vawiin hian kan player Saido Berahino a vawi hnih nana rawn dawrtu Tottenham chu kan hnawl leh ta a ni. Kan dinna ngaiah kan la ding reng, ani hi hralh kan tum lo a ni," tiin a sawi
Kum 23 mi Berahino hi West Brom boss Tony Pulis chuan squad-ah a telh hrih lova, tun weekend liamta khan Chelsea an hmachhawn a, 3-2 in an tlawm a nih kha, Berahino kha khel selang chuan an si phurh an rulh ngei a rinawm a ni. Hetih lai hian Tony Pulis chuan Berahino chu a transfer chungchang avangin inkhel thei dinhmunah a rilru a awm loh avangin a chawlh tir thu a sawi chhuak a, Berahino pawh hian Spurs pan a chak hle, chhuah pawh a dil nghe nghe, mahse club hotuten an phalsak lo a ni.
picture credit : Getty