Sunday zan khan Sevilla chuan La Liga inkhelah Real Sociedad an tlawh a, 2-1 in khual mualah Sevilla hi an tlawma, Sevilla defender Sergio Ramos chu hnawh chhuah a ni.

He inkhelah hian Sevilla player pahnih ngawt hnawh chhuah an ni a, Ramos bakah hian Jesus Navas pawh hnawhchhuah niin, Sevilla tan zan duhawm a ni lo chiang hle.

88mins-ah Brais Mendez a tlawh thluk avangin Ramos hi red card pek a ni a, a career-a a vawi 29 nan red card hmu in, kum 37 mi hian La Liga-ah red card vawi 21 hmu tawhin, La Liga chanchina red card hmu hnem ber a ni.

Sevilla captain Navas pawh hian Ramos-a red card chungchanga a protest nasat deuh avangin 88mins-ah tho hnawhchhuah a ni a, kum 38 mi hi La Liga-ah a vawi khat nana hnawhchhuah a ni thung.

Real Sociedad lakah hian Ramos hian 82mins-ah yellow card a hmu a, minute ruk hnua Mendez a tlawh thluk hian referee in a vawi hnih nan yellow card pe zet mah se, side monitor-a a en leh hnuah a thutlukna thlakin Ramos hi direct red card a pe leh ta zawk.

Sociedad lakah hian Sevilla hi 2-1 in an tlawm a, Sociedad goal hmasa zawk hi Sevilla player Marko Dmitrovic-a own-goal a ni a, an goal hnihna hi Umar Sadiq-a thun niin, Sevilla goal neihchhun hi Youssef En-Nesyri-a khung a ni.