16 Apr 2020 11:28

bakteaJr.

Mizo tlangval

​A tha ber hriat nan Fury nen kan inhnek a ngai: AJ

British heavyweight boxer Anthony Joshua chuan tunlai heavyweight boxer tha ber hriat a nih theih nan Tyson Fury nen an inhmachhawn a ngaih thu a sawi.

AJ hian tunah hian heavyweight-a title pali awm zinga pathum a kawl meka, British boxer dang Fury hian AJ-a kawl loh awmchhun hi a kawl ve thung.

British boxer Lennox Lewis-a hnuah heavyweight division-ah hian undisputed champion an la awm leh lova, tunah hian AJ leh Fury te chuan undisputed heavyweight champion nihna chance tha tak an nei mek.

Boxer pahnih te hi intum tur angin sawi a tam tawha, mahse an inhmachhawn hmain mandatory challenger hmachhawn tur an nei ve ve thung.

AJ chuan, “Heavyweight boxer tha ber ka ni tih ka lan tir dawn chuan Tyson Fury ka hmachhawn phawt a ngaia, ani pawhin Anthony Joshua a hmachhawn phawt a ngai.

“Tha ber anga a insawi duh a nih chuan min hmachhawn a ngai a, inhnek ngei pawh ka duha, a belt kawl loh zawng ka kawla, kan inhmachhawn hi a awm hle a ni.

“Unified world champion ka ni meka, Fury hi WBC champion a ni bawka, kan inhmachhawn a nih chuan heavyweight division-a tha ber a dingchang dawna, a chak zawkin kan division-a belt zawng zawng a kawl anga undisputed champion a ni dawn,” tiin Sky Sports a hrilh.