Manchester City chuan Liverpool forward Raheem Sterling chu a tawp nan dawr nawn leh an tum a, Liverpool hian £50m chhiar mahse Man City hian £40m-a a tawp nana dawr leh an tum a, heta an hlawhtling lo a nih chuan Man City hian an kalsan tawh mai dawn niin sapram chanchinbu hrang hrang vawiin chhuakte chuan an tarlang.

Manchester City hian a tirah £25m in an dawr phawt a, a khelh that chuan £5m Liverpool pek belh leh an tum. Hei hi Liverpool chuan an hnawl chiang hle. Kum 20 mi Sterling hian Liverpool-ah kum hnih daih contract a la nei a, hei vang pawh hi a ni mahna Liverpool-in to taka a man an chhiar chhan.

City hian Sterling hi Etihad Stadium-a an seng lut thei a nih chuan tun nipui bazara Pellegrini player lak hmasak ber a ni thei dawn niin a lang a. Manchester City hian Juventus midfielder Pogba leh Wolfsburg player pawimawh De Bruyne te lak an tum bawk a, heng player pathum lak nan hian City hotute chuan Pellegrini chu £150m hman an phalsak a ni.