Mason Mount chuan Stamford Bridge chhuahsan a tum ta hle niin a ngaih theih, a hma hun chungchang ngaihtuahpui turin Chelsea thuneitute a hmu dawn niin English media te chuan an tarlang.

Kum 24 mi hian Stamford Bridge-ah kum 1 chiah contract a nei tawh a, Blues chuan contract thar ziahpui tum mah se, duh aiin an buapui rei ta a. Contract thar an buapui chhung hian Liverpool lam chuan an rawn ngaihven chhen bawk a, Arsenal lam pawhin Mount-a representative-te an bia niin media te chuan an tarlang.

Manchester United pawh heltu club zingah chhiar tel an ni a, Newcastle United pawh an bang chuang lo. 

Chelsea-a Mauricio Pochettino a luh fel hnuah Mason Mount-a chungchang chu a fel thuai beisei a ni a, heltu club dang hnawlin, Chelsea-ah hun rei tak a cham chhunzawm leh tho tho. Mauricio Pochettino hi Mount ngainatu a ni a, Chelsea project-a tel ve turin a duh niin a lang bawk.

Tun season chu Chelsea tan season tha lo tak a ni, season dangah che tha thin viau mah se, Mount pawh duhthusamin tun season chu a khel bik lo. Tun season Premier League-a first xi a chan vawi 20 atangin goal 3 a khung a, assist vawi 3 a nei thei hram.