Fabio Quartararo chu Inrinnia Malaysian MotoGP qualifying an tlanah a che tha ber a, Pathiannia an intlansiak hunah Sepang Circuit-ah hian pole atangin bul a tan ang.

Rookie Fabio Quartararo hi a che tha chho hle a, tun season-ah pole position hi vawi nga a chang ta a. Hetih lai hian Marc Marquez chu a che fuh lo viau thung a, a chetsual avangin intlansiak hunah 11-na atangin a tlan tan ve dawn chauh a ni.

Petronas Yamaha SR rider Fabio Quartararo hnung chiahah hian Monster Energy Yamaha rider Maverick Vinales chu a awm ang a, pathumnaah Petronas Yamaha rider Franco Morbidelli chu a awm bawk ang.

Pramac Racing rider Jack Miller chu palinaah a awm ang a, LCR Honda rider Cal Crutchlow chu panganaah a awm dawn bawk a. A hnung chiahah hian Monster Energy Yamaha rider Valentino Rossi chu a awm ang a, pasarihnaah Suzuki Ecstar rider Alex Rins chu a awm dawn bawk a ni.

Ducati rider Danilo Petrucci chu pariatnaah a awm ang a, a hnungah hian LCR Honda rider Johann Zarco chu a awm dawn a. Ducati rider Andrea Dovizioso chu sawmnaah a awm a, a hnungah hian Repsol Honda rider, world champion Marc Marquez chu awmin, Pramac Racing rider Franesco Bagnaia chu a hnungah a awm ve leh bawk a ni.

Qualifying result

1. Fabio Quartararo (Petronas Yamaha SR): 1:58.303

2. Maverick Vinales (Monster Energy Yamaha) +0.103s

3. Franco Morbidelli (Petronas Yamaha): +0.129s

4. Jack Miller (Pramac Racing): +0.422s

5. Cal Crutchlow (LCR Honda): +0.648s

6. Valentino Rossi (Monster Energy Yamaha): +0.697s

7. Alex Rins (Suzuki Ecstar): +0.787s

8. Danilo Petrucci (Ducati): +0.794s

9. Johann Zarco (LCR Honda): +0.836s

10. Andrea Dovizioso (Ducati): +0.870s

11. Marc Marquez (Repsol Honda): +0.875s

12. Franesco Bagnaia (Pramac Racing): +1.337s